ماماندىق وتباسىن قۇرۋعا اسەر ەتەدى

استانا. قازاقپارات - ادامنىڭ ماماندىعى وتباسىن قۇرۋعا اسەر ەتەدى، دەپ ەسەپتەيدى عالىمدار.

امەريكالىق الەۋمەتتانۋشىلاردىڭ جۇرگىزگەن زەرتتەۋلەرىنە سۇيەنسەك، ءتىس دارىگەرلەرى باسقا ماماندىق يەلەرىنە قاراعاندا ءجيى ۇيلەنەدى ەكەن، ال بەزەندىرۋشىلەر (دەكوراتور) ءجيى اجىراسىپ جاتادى. 2010-جىلى ءتىس دارىگەرلەردىڭ 81 پايىزى ۇيلەنگەن نەمەسە تۇرمىسقا شىققانى انىقتالدى. ءتىس دارىگەرلەرىنەن باسقا باس ديرەكتورلار، تەراپيەۆت، ورتوپەد، وكۋليست، دانەكەرلەۋشى مەن ءدىن سالاسىنىڭ قىزمەتكەرلەرى ۇيلەنۋگە بەيىم بولادى ەكەن.

الەۋمەت تانۋشىلاردىڭ كەلتىرگەن مالىمەتتەرى بويىنشا، كينومەحانيكتەر كوپ جاعدايدا جالعىزدىقتان زارداپ شەگەدى، ولار سيرەك ۇيلەنەدى. ال اجىراسۋ بويىنشا الدىڭعى قاتاردا بەزەندىرۋشىلەر، مەدبيكەلەر، الەۋمەتتىك قىزمەتكەرلەر مەن پوچتا قىزمەتكەرلەرى تۇر، دەپ جازادى شەتەلدىك ب ا ق.

1950-جىلمەن سالىستىرىپ وتسەك، بۇل جىلدارى ماتەماتيكتەر، ينجەنەرلەر مەن ەلەكتر ستانسيالارىنىڭ وپەراتورلارى ءجيى ۇيلەنگەن.