س. احمەتوۆتىڭ قايتىس بولعانى تۋرالى اقپارات شىندىققا جاناسپايدى

قاراعاندى. قازاقپارات - اسا اۋىر سىبايلاس جەمقورلىق قىلمىسىمەن ايىپتالعان بۇرىنعى ق ر قورعانىس ءمينيسترى سەرىك احمەتوۆتىڭ قايتىس بولعانى تۋرالى الەۋمەتتىك جەلىلەردە تاراتىلعان اقپارات شىندىققا جاناسپايدى.

بۇل تۋرالى قازاقپارات تىلشىسىنە ق ر مەملەكەتتىك قىزمەت ىستەرى جانە سىبايلاس جەمقورلىقپەن كۇرەس اگەنتتىگىنىڭ قاراعاندى وبلىسى بويىنشا دەپارتامەنتىنىڭ سىبايلاس جەمقورلىققا قارسى اعارتۋ جۇمىستارى جانە جۇرتشىلىقپەن ءوزارا ءىس-قيمىل ءبولىمىنىڭ جەتەكشىسى ديدار سماعۇلوۆ حابارلادى. 

«اقپارات شىندىققا جاناسپايدى. بۇل اقپاراتقا كوڭىل اۋدارۋدىڭ قاجەتى جوق»، - دەدى وبلىستىق دەپارتامەنتتەن.

سۇحباتتاسۋشىنىڭ ايتۋىنشا، ق ر مەملەكەتتىك قىزمەت ىستەرى جانە سىبايلاس جەمقورلىقپەن كۇرەس اگەنتتىگى جالعان اقپاراتقا بايلانىستى رەسمي مالىمدەمە ازىرلەۋدە.

بۇدان بۇرىن حابارلانعانداي، ق ر  ق ك-نىڭ 4-ءبولىمى، 176-بابىنىڭ «ب» تارماعى بويىنشا («وزىنە سەنىپ تاپسىرىلعان بوتەننىڭ مۇلكىن يەمدەنۋ نەمەسە تالان-تاراجعا سالۋ») ايىپتالعان س.احمەتوۆكە ءۇيقاماق تۇرىندەگى بۇلتارتپاۋ شاراسى  ءۇش ايعا، 2015 - جىلدىڭ 18- اقپانىنا دەيىن ۇزارتىلدى.

ەسكە سالا كەتەيىك، قاراعاندى وبلىسىنىڭ جانە قاراعاندى قالاسىنىڭ، «سارى ارقا» ءا ك ك» ۇ ك ا ق، «مەتاللۋرگيا-مەتالل وڭدەۋ» يندۋستريالىق پاركى ا ە ا، «قازاگرو قارجى» ا ق بۇرىنعى باسشىلارى ب.ابدىشەۆكە، م.سماعۇلوۆقا، ا.ەسسەگە، گ.راحىمجانوۆقا جانە باسقا دا تۇلعالارعا قاتىستى ءبىرقاتار اۋىر سىبايلاس جەمقورلىق قىلمىستىق ىستەرى تەرگەلۋدە. تەرگەۋدەگى ىستەر اۋقىمىندا س. احمەتوۆ تە ۇستالىپ، ودان ءارى وعان ايىپ تاعىلدى.

س.احمەتوۆ 2009 - جىلدىڭ قاراشاسىنان 2012 - جىلدىڭ قاراشاسىنا دەيىن قاراعاندى وبلىسىنىڭ اكىمى بولدى. بۇدان كەيىن ق ر پرەمەر-ءمينيسترىنىڭ ءبىرىنشى ورىنباسارى، ق ر پرەمەر-ءمينيسترى قىزمەتىندە جۇمىس جاسادى. 2014 - جىلدىڭ 3 - ساۋىرىنەن 22 - قازانعا دەيىن ق ر قورعانىس ءمينيسترى لاۋازىمىندا بولدى.