قىرعىز رەسپۋبليكاسىنىڭ بۇرىنعى پرەزيدەنتىنىڭ ۇلى شاعىن دۇكەن اشتى، تاۋارلارىن ءوزى ساتادى

استانا. قازاقپارات - قىرعىز رەسپۋبليكاسىنىڭ بۇرىنعى پرەزيدەنتى روزا وتىنبايەۆانىڭ ۇلى اتاي سادىباقاسوۆ بىشكەك بازارلارىنىڭ بىرىندە شاعىن دۇكەن اشتى.

 سورەدە تاۋار ساتىپ تۇرعان اتايدىڭ فوتوسىن سەنبى كۇنى الەۋمەتتىك جەلىدەگى ءوز پاراقشاسىنا ايدار جوروبەكوۆ سالعان.

«بۇرىنعى پرەزيدەنتتىڭ ۇلى ساتۋشى رەتىندە ءوزىنىڭ شاعىن دۇكەنىندە. استاناداعى بازارلاردىڭ ءبىرى»، - دەپ جازادى ا. جوروبەكوۆ.

اتاي سادىباقاسوۆ بۇل اقپاراتتى راستادى جانە ءوز بيزنەسىنەن ەشقانداي ورەسكەلدىك كورىپ تۇرماعانىن اتاپ ءوتتى.

قىرعىزستان ەكس- پرەزيدەنتى ۇلىنىڭ ازىق- تۇلىك دۇكەنى ماسكەۋ جانە شوپوكوۆ كوشەلەرىنىڭ قيىلىسىنداعى بازار ماڭىندا ورنالاسقان.