سەمەيدە ورماندى قورعاۋدىڭ ەرەكشە ءتۇرى قولعا الىندى
جاڭا جىل قارساڭىندا كوركەمونەر مەكتەپتەرىنىڭ وقۋشىلارى اراسىندا «ارت-شىرشا» دەپ اتالاتىن شىعارماشىلىق بايقاۋى جاريالانعان بولاتىن.
ماقساتى - كۇندەلىكتى قولدانىلاتىن زاتتاردان شىرشا ءپىشىنىن جاساۋ. بالالاردىڭ قولدارىمەن ازىرلەنگەن دۇنيەلەر كورمەگە قويىلدى. جاساندى شىرشالار كورمەگە كەلۋشىلەردى تاڭداي قاقتىرماي قويمادى. سەبەبى ءار وقۋشىنىڭ تۋىندىسى الۋان ءتۇرلى بۇيىمداردان ىستەلگەن. اسىرەسە كوپشىلىكتى قارىنداش جاڭقاسى مەن قىستىرعاشتان جاسالعان اعاش ءپىشىنى قىزىقتىردى. شارادا ۇزدىك دەپ تانىلعان جۇمىستاردىڭ اۆتورلارى ەستەلىك سىيلىقتار مەن العىس حاتتارعا يە بولدى.
ناتاليا بەلياكينا، مۇراجايدىڭ سەكتور مەڭگەرۋشىسى:
- بۇل مەرەكەنىڭ ماقساتى - ورمان قورىن ساقتاۋ جانە ونى قورعاۋ. قازىرگى تاڭدا بۇل ماسەلە وتە وتكىر بولىپ وتىر. سەبەبى جاڭا جىل قارساڭىندا ورماندار اياۋسىز وتالادى. سوندىقتان ءبىز بالالاردىڭ وسى ەڭبەكتەرى ارقىلى اعاشتاردى كەسپەي-اق ادەمى شىرشا جاساۋعا بولاتىنىن كوپشىلىككە كورسەتكىمىز كەلدى.
24.kz
