گەننادي گولوۆكين قارقارالىدا تۋريستىك نىسان سالىپ جاتىر

استانا. قازاقپارات - قازاقستاندىق بوكسشى گەننادي گولوۆكين قاراعاندى وبلىسىندا قارقارالىداعى ۇلكەن كولدىڭ جاعاسىندا تۋريستىك نىسان سالۋدا. بۇل تۋرالى boxingnews.kz پورتالى حابارلادى.

«قارقارالىنىڭ شىعىسىندا ۇلكەنكول دەگەن كولىمىز بار. سونىڭ جاعاسىنداعى جەرلەردى ءبىز تۋريزمدى دامىتۋ ماقساتىندا كاسىپكەرلەرگە بەرىپ جاتىرمىز. مىسالى، ءبىزدىڭ داڭقتى بوكسشىمىز گەننادي گولوۆكين سونىڭ جاعاسىنان 400 مەتر جەر الىپ، تۋريستىك نىسان سالىپ جاتىر»، - دەيدى قاراعاندى وبلىسى قارقارالى اۋدانىنىڭ اكىمى حاليل ماقسۇتوۆ «قازاقستان» تەلەارناسىنا بەرگەن سۇحباتىندا.

رەپورتاجدا حابارلاعانداي، اتالمىش جەرلەر ەكوتۋريزمدى دامىتۋعا دا قولايلى.

ەستە بولسا، بۇل گەنناديدىڭ العاشقى بيزنەس جوباسى ەمەس. 2015-جىلى ول ءوزىنىڭ GGG كيىمدەر جەلىسىن شىعارعان بولاتىن.

اۆتور: جاسۇلان جولدىبايەۆ