07:53, 09 - قاڭتار 2015 | GMT +5
اسپاندا قۇستارمەن سوقتىعىسقان ۇشاقتىڭ دۆيگاتەلى ىستەن شىققان
استانا. قازاقپارات - ا ق ش-تا اسپاندا جۇك تاسىمالداۋ ۇشاعىنا ءبىر توپ قۇس سوعىلعاننان كەيىن ول پورتلەندتىڭ حالىقارالىق اۋەجايىنا شۇعىل قوندى.
اۋەجاي وكىلىنىڭ سوزىنە قاراعاندا، لاينەر جەرگىلىكتى ۋاقىتپەن ساعات 18.30 دا ۇشقان جانە بىردەن قاناتتىلارمەن سوقتىعىسىپ قالعان. سالدارىنان ۇشاق دۆيگاتەلىندە اقاۋلار تۋىنداعان.
ۇشقىشتار لاينەردى بۇرىپ، شۇعىل قونۋعا ءماجبۇر بولدى. اۋەجاي وكىلدەرىنىڭ سوزىنە قاراعاندا، لاينەر دۆيگاتەلىنەن بەس قۇس تابىلعان. وقيعا سالدارىنان ادامدار جاپا شەكپەدى، دەپ حابارلادى بەلتا.
