سەرىك احمەتوۆتىڭ ءۇي قاماعىندا بولۋ مەرزىمى تاعى ۇزارتىلدى
بۇل تۋرالى قاراعاندى قالاسى قازىبەك ءبي اۋداندىق سوتىنىڭ باسپا ءسوز حاتشىسى ءاليا جوشيەۆا حابارلادى.
«قاراعاندى قالاسى قازىبەك ءبي اۋداندىق سوتىنىڭ قاۋلىسىمەن تەرگەۋ وتىنىشىمەن ق ر ق ك 176-بابى 4 - ءبولىمى «ب» تارماعى بويىنشا ايىپتالعان س. احمەتوۆتىڭ ءۇي قاماعىندا بولۋ مەرزىمى 3 ايعا، ياعني 2015 - جىلدىڭ 18 - اقپانىنا دەيىن ۇزارتىلدى»، - دەدى ءا. جوشيەۆا.
ەسكە سالا كەتەيىك، وسىعان دەيىن سوت س. احمەتوۆكە 2 ايعا دەيىن ءۇي قاماعىندا بولۋ شاراسىن سانكسيالاعان. بۇل مەرزىم 2015 - جىلدىڭ 18 - قاڭتارىندا اياقتالادى.
بۇرىن حابارلانعانداي، ق ر مەملەكەتتىك قىزمەت ىستەرى جانە سىبايلاس جەمقورلىققا قارسى كۇرەس اگەنتتىگىندە قاراعاندى وبلىسى مەن قاراعاندى قالاسىنىڭ «سارى ارقا» ا ك ك» ۇ ك، «مەتاللۋرگيا- مەتالل وڭدەۋ» يندۋستريالىق پاركى، «قازاگروقارجى» ا ق بۇرىنعى باسشىلارى ب. ابدىشيەۆ، م. سماعۇلوۆ، ا. ەسسە، ع. راقىمجانوۆ جانە باسقا دا تۇلعالارعا قاتىستى سىبايلاس جەمقورلىق فاكتىلەرى بويىنشا ءبىرقاتار اسا اۋىر قىلمىستىق ىستەر تەرگەلۋدە. تەرگەۋ ىستەرىنىڭ اياسىندا سەرىك احمەتوۆ ۇستالىپ، كەيىن وعان ايىپ تاعىلدى.
سەرىك احمەتوۆ 2009 - جىلدىڭ قاراشاسىنان 2012 - جىلدىڭ قاڭتارىنا دەيىن قاراعاندى وبلىسىنىڭ اكىمى بولعان. كەيىن ق ر پرەمەر-ءمينيسترىنىڭ ءبىرىنشى ورىنباسارى، ق ر پرەمەر- ءمينيسترى قىزمەتتەرىندە بولعان. 2014 - جىلدىڭ 3 - ساۋىرىنەن 22 - قازانىنا دەيىن ق ر قورعانىس ءمينيسترى قىزمەتىن اتقاردى.
