بولاشاعى زور جاس شەنەۋنىكتەردىڭ رەيتينگى جاسالدى
كوش باسىندا «بايتەرەك» باسقارۋشى حولدينگىنىڭ 33 جاستاعى باسقارما ءتوراعاسى قۋاندىق بيشىمبايەۆ. بۇل رەيتينگكە 2- بولىپ ۇلتتىق قاۋىپسىزدىك كوميتەتى ءتوراعاسىنىڭ ورىنباسارى سامات ءابىش، 3- بولىپ قارجى مينيسترلىگى مەملەكەتتىك كىرىس كوميتەتىنىڭ ءتوراعاسى داۋلەت ەرعوجين (ەكەۋى دە 35 جاستا) ەنگەن.
4-ورىندا 31 جاستاعى «قازپوشتا» اق باسقارما ءتوراعاسى باعدات مۋسين، 6-ورىندا «بايتەرەك» حولدينگىنىڭ باسقارۋشى ديرەكتورى - باسقارما مۇشەسى، 30 جاستاعى قانىش تولەۋشين، 7-ورىندا پرەزيدەنتتىڭ كەڭەسشى-حاتشىسى، 35 جاستاعى داۋرەن ابايەۆ كەلەدى.
بۇلاردان كەيىنگى بەس ورىندا مىنا ازاماتتار تۇر: شىڭعىس مۇقان، اتىراۋ وبلىسى اكىمىنىڭ ورىنباسارى (30 جاستا)، ايانا ماناسوۆا، پرەزيدەنت اكىمشىلىگىندەگى ستراتەگيالىق زەرتتەۋلەر جانە ساراپتاۋ ورتالىعىنىڭ مەڭگەرۋشىسى (35 جاستا)، ەرلان اۋكەنوۆ، سولتۇستىك قازاقستان وبلىسى اكىمىنىڭ ورىنباسارى (30 جاستا)، داستان ماحايەۆ، پرەزيدەنت اكىمشىلىگى حاتشىلىعىنىڭ مەڭگەرۋشىسى (31 جاستا).
پرەزيدەنت اكىمشىلىگى مەملەكەتتىك- قۇقىقتىق ءبولىمىنىڭ مەڭگەرۋشىسى، 34 جاستاعى ءاليا راقىشەۆا اتالعان رەيتينگتە - 13- ورىندا، باتىس قازاقستان وبلىسى اكىمىنىڭ ورىنباسارى، 32 جاستاعى باقتيار ماجەن - 14 - شى، ورال قالاسىنىڭ اكىمى، 36 جاستاعى التاي قۇلعينوۆ 15-بولىپ اتالادى.
سوڭعى «بەستىكتەگى» بولاشاعى زور جاس شەنەۋنىكتەر مىنالار: اسەت ەرعاليەۆ (ۇلتتىق ەكونوميكا مينيسترلىگى جانىنداعى ەكونوميكالىق زەرتتەۋلەر ينستيتۋتى باسقارما ءتوراعاسىنىڭ ءبىرىنشى ورىنباسارى، جاسى - 28-دە)، دانيار اقىشەۆ (پرەزيدەنت اكىمشىلىگى الەۋمەتتىك- ەكونوميكالىق مونيتورينگ ءبولىمىنىڭ مەڭگەرۋشىسى، 38 جاستا)، جاقسىلىق ومار، ەرسايىن ناعاسپايەۆ (شىعىس قازاقستان وبلىسى اكىمىنىڭ جانە استانا قالاسى اكىمىنىڭ ورىنباسارلارى، ەكەۋىنىڭ جاسى دا 34 تە) جانە ۇلتتىق ەكونوميكا ءمينيسترىنىڭ ورىنباسارى، 36 جاستاعى ءمادينا ءابىلقاسىموۆا.
