قازاقستاندا ءۇش سالادا جوعارى بىلىكتى ماماندار سۇرانىسقا يە
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە «ەڭبەك ميگرانتتارىنا ە ا ە و شەڭبەرىندە بەرىلەتىن الەۋمەتتىك كەپىلدىكتەر» تاقىرىبىنداعى بريفينگكە ق ر دەنساۋلىق ساقتاۋ جانە الەۋمەتتىك دامۋ ءمينيسترىنىڭ ورىنباسارى سۆەتلانا جاقىپوۆا ءمالىم ەتتى.
«جول كارتاسى ەلىمىزدىڭ ازاماتتارىن جۇمىسپەن قامتۋدا مەملەكەتتىك كەپىلدىك بولىپ وتىر. نەگىزى جول كارتاسىنا تەك قازاقستان ازاماتتارى عانا قاتىسا الادى. ال شەتەلدەن كەلگەن، سونداي- اق ەاەو ەلدەرىنەن جۇمىس ىستەۋگە كەلگەن ازاماتتار باعدارلاما اياسىندا جۇمىس ىستەي المايدى»، - دەدى ۆيتسە- مينيستر.
وسى ورايدا «جۇمىسپەن قامتۋدىڭ جول كارتاسى-2020» باعدارلاماسى نەگىزگى داعدارىسقا قارسى شارا رەتىندە ەلىمىزدەگى جۇمىسسىزدىق دەڭگەيىن تومەندەتۋ ماقساتىندا ايقىندالعانىن ەسكە سالىپ ءوتتى.
مۇنىمەن قوسا س. جاقىپوۆا بۇگىندە قازاقستاندا وڭدەۋشى ونەركاسىپتە، قۇرىلىس جانە تاۋ- كەن ءوندىرۋ سالالارىندا جوعارى بىلىكتى ماماندار سۇرانىسقا يە ەكەنىن اتاپ ءوتتى.
اۆتور: رۋسلان عابباسوۆ
