12:37, 08 - قاڭتار 2015 | GMT +5
تەڭىزگە قۇلاعان مالايزيالىق ۇشاقتىڭ تاعى ءبىر بولىگى تابىلدى
استانا. قازاقپارات - يندونەزيالىق ماماندار 11 كۇن وتكەندە «ەير ازيا» كومپانياسى ۇشاعىنىڭ جازبا ساقتالاتىن ارتقى بولىگىن تاپتى. سونىمەن قاتار، قازا بولعانداردىڭ تاعى 3 ءمايىتى تەڭىز تۇبىنەن جەر بەتىنە شىعارىلدى.
يندونەزيانىڭ ىزدەۋ جانە قۇتقارۋ اگەنتتىگى ۇشاقتىڭ ارتقى بولىگىن تاپقان. بۇعان دەيىن سۋرابايا قالاسىنىڭ اۋەجايىنا قازا تاپقان ەكى جولاۋشىنىڭ ءمايىتى جەتكىزىلگەن بولاتىن. ازاماتتاردىڭ كىم ەكەنى انىقتالعاننان كەيىن مايىتتەر تۋىستارىنا جەرلەۋگە بەرىلەدى، دەپ حابارلايدى ك ت ك.
«ەير ازيا» كومپانياسىنا تيەسىلى ۇشاق 28- جەلتوقساندا اپاتقا ۇشىراعان ەدى. سۋرابايادان سينگاپۋرگە ۇشقان اۋە كولىگى 40 مينۋتتان سوڭ باقىلاۋ قۇرىلعىلارىنىڭ ەكرانىنان كورىنبەي كەتتى. ياۆا تەڭىزىنە قۇلاعان ۇشاق بورتىندا 162 ادام بولعان. قازىر ولاردىڭ ءبارى قازا تاپتى دەگەن بولجام بار.
