10:52, 08 - قاڭتار 2015 | GMT +5
ا ق ش پرەزيدەنتتىك جۇپتارىنىڭ تاريحىنداعى تۇڭعىش جاعداي
استانا. قازاقپارات - ا ق ش- تىڭ 41-پرەزيدەنتى ۇلكەن دجوردج بۋش جۇبايى باربارا بۋشپەن بىرگە 70 جىلدىق ۇيلەنۋ مەرەيتويلارىن اتاپ ءوتتى. UPI اگەنتتىگىنىڭ حابارلاۋىنشا، بۇل وقيعا - ا ق ش پرەزيدەنتتىك جۇپتارىنىڭ تاريحىنداعى تۇڭعىش جاعداي.
دجوردج باربارامەن ەڭ العاش 16 جاسىندا ءبي كەزىندە تانىسىپتى. ارادا 1,5 جىل وتكەن سوڭ، ياعني 1945-جىلدىڭ 6- قاڭتارىندا عاشىقتار نيۋ-يورك شتاتىنىڭ راي قالاسىندا شاڭىراق كوتەرەدى.
بۇگىندە 6 بالا تاربيەلەپ وتىر. جاسى 90 دى القىمداعان وتاعاسى جاقىندا عانا اۋرۋحانادان ەمدەلىپ شىققانى بەلگىلى. ءالى دە ءوزىن تىڭ سەزىنەتىن بۇرىنعى پرەزيدەنت Twetter جەلىسىندەگى جەكە پاراقشاسىندا ءبىرىنشى حانىمىنا ارناپ ىستىق سۇيىسپەنشىلىگىن ءبىلدىرىپتى.
وندا: «تۋرا 70 جىل بۇرىن ەستەن كەتپەس ءدال وسى كۇنى باربارا پيرس مەنى جەر بەتىندەگى ەڭ باقىتتى جانە تابىستى جان ەتە ءبىلدى»، - دەلىنگەن.
اۆتورى: جىگەر سارسەن
www.24.kz
