قازاق ونەرىنىڭ ساڭلاقتارى: قالقامان جۇنىسبەكوۆ
وسى ۋاقىت ارالىعىندا قازاق جۋرناليستيكاسىنا، سونداي- اق قازاق مادەنيەتىنە، ونەرىنە كۇش- جىگەرىن جۇمساپ، ونداعان ادەبي- مۋزىكالىق حابار ۇيىمداستىرا ءبىلدى.
قالقامان جۇنىسبەكوۆ 1978 - جىلدارى «انگە ساپار» راديوفەستيۆالىمەن قازاقستاننىڭ تۇكپىر- تۇكپىرىن ارالاپ، ەل ىشىندەگى تۋما دارىن يەلەرىنىڭ ونەرىن ارنايى «تونۆاگەن» اۆتوكولىك قۇرالعى ارقىلى جازىپ اكەلىپ، قازاق راديوسىنىڭ التىن قورىن تولىقتىرعان- دى. ول كىسى وسى ۋاقىت ارالىعىندا تالاي ونەر يەلەرىنىڭ باعىن اشىپ، حالىققا تانىمال بولۋىنا تەر توكتى، ۇزاق جىل قازاق ونەرىنىڭ وركەندەۋىنە تەر توكتى.
قالەكەڭ 2004 - جىلى ءوزىنىڭ 60 جاسقا تولعان مەرەيتويىندا الماتى قالاسىنداعى «قازاقكونتسەرت» بىرلەستىگىندە «تاۋەلسىز قازاقستانىم مەنىڭ» دەگەن ايدارمەن شىعارماشىلىق كەشىن وتكىزدى.
سازگەر قالقامان جۇنىسبەكوۆتىڭ نۇرعيسا تىلەنديەۆ اتىنداعى «وتىرار سازى» وركەسترىنىڭ ورىنداۋىنداعى «اباي تولعاۋى» ، «كۇي كۇمبەزى تاتتىمبەت» ، «ساعىنىش سازى» ، «بالبوبەك بالدىرعان» ، «قالقامان قوسباسار» كۇيلەرىمەن قوسا ۇلتتىق رۋحىمىزدى اسقاقتاتاتىن «تاۋەلسىز قازاقستان» كۇي - داستانى باسشىمىز نۇرسۇلتان ءابىش ۇلى نازاربايەۆقا ارنالعان شىعارماسى، سونداي- اق سەرىكباي وسپانوۆتىڭ ولەڭىنە جازىلعان «سارىارقا» ءانى، ءوز ولەڭىنە جازىلعان «مىڭارالىم» ءانىن تانىمال ءانشى رامازان ستامعازيەۆ ورىنداسا، سۇلۋشاش نۇرماعامبەتوۆانىڭ ورىنداۋىندا جاراسباي نۇرقانوۆتىڭ ولەڭىنە جازىلعان «ناۋرىز - دۋمان» ، سەرىكباي وسپانوۆتىڭ ولەڭىنە جازىلعان «انا جانارى» ، گۇلمايدان سۇندەتوۆانىڭ ورىنداۋىندا باكىر تاجىبايەۆتىڭ ولەڭىنە جازىلعان «التىن توي تولعاۋى» ، قازاقستاننىڭ ەڭبەك سىڭىرگەن قايراتكەرى رىمكەش ءجۇمادىلوۆانىڭ ورىنداۋىندا كاكىمبەك سالىقوۆتىڭ ولەڭىنە جازىلعان «اققۋ جەتكەن» ، جولامان قۇجىمانوۆتىڭ ورىنداۋىندا تىنىشباي راحىمنىڭ ولەڭىنە جازىلعان «قاماجاي داۋرەن قالقاماي» اندەرى قازاق راديوسىنىڭ التىن قورىندا ساقتاۋلى.
قالقامان جۇنىسبەكوۆتىڭ كوپ جىلعى ەڭبەگى ادال باعالانىپ ، «تەليەۆيزيا جانە راديو» ۇزدىك قىزمەتكەرى. «مادەنيەت قايراتكەرى» بەلگىسىمەن جانە «قازاقستان تاۋەلسىزدىگىنە 10 جىل» مەدالىمەن جانە قازاق راديوسىنىڭ 90 جىلدىعىنا وراي 2011 - جىلدىڭ جەلتوقسان ايىندا «قازاق راديوسىنىڭ ارداگەرى» مەدالىمەن ماراپاتتالدى. ول 2004 - جىلدان «نۇر وتان» پارتياسىنىڭ مۇشەسى.
قازاق راديوسىنىڭ ارداگەرى قالقامان جۇنىسبەكوۆتىڭ ءوزى دۇنيەدەن وتسە دە ۇزاق جىلعى قاجىرلى ەڭبەگى ەرەكشە باعالانىپ، « قازاقستاننىڭ ەڭبەك سىڭىرگەن قايراتكەرى» قۇرمەتتى اتاعىنا يە بولدى. مارقۇمنىڭ كوپتەن كۇتكەن ماراپاتىن قازاق راديوسىنىڭ الماتىداعى ستۋدياسىندا مادەنيەت مينيسترلىگىنىڭ تاپسىرىسى بويىنشا «قازاق گازەتتەرى» ج ش س- ءنىڭ باس ديرەكتورى - رەداكتورلار كەڭەسىنىڭ ءتوراعاسى، بەلگىلى جۋرناليست جۇمابەك كەنجالين قالقامان جۇنىسبەكوۆتىڭ ايەلى روزا جۇنىسبەكوۆانىڭ قولىنا ۇستاتتى. بۇل جيىندا قازاق راديوسىنىڭ ارداگەرلەرى امانجان ەڭسەباي ۇلى، التىن يمانبايەۆا، مۇحامەدقۇل سماعۇلوۆ ءسوز سويلەپ، ومىردەن وتكەن ارداگەردىڭ شىعارماشىلىق جولىنا ەرەكشە توقتالدى. ۇجىمنىڭ اتىنان گۇل شوعى سىيلاندى.
