جولاۋشىلار قۇلاپ بارا جاتقان ۇشاقتان سەكىرىپ ۇلگەردى

استانا. قازاقپارات - جاڭا زەلانديادا جولاۋشىلار ۇشاعى اپاتقا ۇشىرادى.

 Lenta.​ru حابارلاعانداي، جولاۋشىلار مەن ەكيپاج امان قالدى.

Skydive Taupo اۋە كومپانياسى ۇشاعىنىڭ اپاتتىق جاعدايى جاڭا زەلانديانىڭ سولتۇستىك ارالىندا ورنالاسقان تاۋپو كولىنىڭ ماڭىندا ورىن العان. ۇشاق بورتىندا 13 ادام: التى جولاۋشى، التى ەكيپاج مۇشەسى مەن ۇشاق كومانديرى بولعان.

لاينەردە اقاۋلىق شىققان سوڭ بارلىعى پاراشيۋتپەن قامتاماسىز ەتىلدى. Sun Herald اقپاراتىنشا، جولاۋشىلار ەكيپاج مۇشەلەرىمەن جۇپتاسىپ سەكىرگەن. سوڭعى جۇپ لاينەر قۇلاۋعا بىرنەشە سەكۋند قالعاندا سەكىرگەن. ۇشقىش تا امان قالىپ، ول ءوز بەتىنشە جاعالاۋعا جەتتى.

پوليتسيانىڭ باسپا ءسوز حاتشىسى كيم پەركستىڭ (Kim Perks) ايتۋىنشا، جولاۋشىلار مەن ەكيپاج مۇشەلەرى مەديتسينالىق تەكسەرۋدەن ءوتتى. اۋىر جاراقات العاندار بولمادى.