08:26, 07 - قاڭتار 2015 | GMT +5
ەكى جولاۋشىلار پويىزى سوقتىعىستى
استانا. قازاقپارات - برازيليادا 2 جولاۋشىلار پويىزى سوقتىعىستى.
سوڭعى مالىمەت بويىنشا، وقىس وقيعا سالدارىنان 229 ادام جاراقات العان.
جول اپاتى ريو- دە- جانەيرو شتاتىنىڭ مەسكيتا ءوزىن-ءوزى باسقارۋ اۋماعىنداعى ستانسيادا بولعان.
قالا ماڭىنا قاتىنايتىن پويىز شويىن جولدا توقتاپ تۇرعان ساتتە وعان ارتىنان كەلە جاتقان وتاربا كەلىپ سوعىلعان.
ابىروي بولعاندا، ادام شىعىنى جوق. بۇعان سوققان پويىزدىڭ باياۋ كەلە جاتقانى سەبەپ بولسا كەرەك. بارلىق زارداپ شەككەندەر جەڭىل جاراقات العان. قازىر ولار جاقىن جەردەگى اۋرۋحانالارعا جەتكىزىلدى. اپاتتان كەيىن وسى باعىتتاعى تەمىرجول قوزعالىسى توقتاپ قالدى، دەپ جازادى «حابار».
