اۆسترالياداعى اپتاپ ىستىق رەكوردتىق كورسەتكىشكە جەتتى

استانا. قازاقپارات - دۇيسەنبى كۇنى اۆستراليالىق پەرتە قالاسىندا اۋا تەمپەراتۋراسى 44,4º С  قا جەتتى.

بۇل 1991 - جىلدان باستاپ ەلدەگى قاڭتار ايىنداعى ەڭ ىستىق كۇن بولدى، دەپ حابارلادى بي- بي- سي.

بۇل جولعى جاز 1910 - جىلدان بەرگى ەڭ ىستىق جازداردىڭ ءبىرى.

اۆستراليالىق مەتەورولوگتار حابارلاعانداي، وتكەن جىل سالقىن كۇندەردىڭ ازايۋىمەن جانە ىستىق ماۋسىمىنىڭ جيىلۋىمەن ەرەكشەلەندى. مۇنداعى جىلدىق ورتاشا تەمپەراتۋرا قالىپتى جاعدايدان 0.91ºC جوعارى بولدى. ەلدىڭ وڭتۇستىگىندەگى ورماندار تولاسسىز ورتتەردەن زارداپ شەگۋى مۇمكىن.

قازىر ءورت سوندىرۋشىلەر ادەلايدا قالاسى ماڭىنداعى ءتىلسىز جاۋمەن كۇرەسۋدە. اۋا تەمپەراتۋراسى كوتەرىلىپ، جەلدىڭ جىلدامدىعىنىڭ كۇشەيۋى ءورتتىڭ تارالۋىنا اسەر ەتۋى مۇمكىن دەگەن بولجامدار جاسالۋدا.