18:37, 06 - قاڭتار 2015 | GMT +5
استانا اكىمىنىڭ ورىنباسارى ەرەجە بۇزعان جۇرگىزۋشىلەردى بىردەن قاتاڭ ايىپپۇلدارمەن جازالاماۋدى سۇرادى
استانا. قازاقپارات - استانا اكىمىنىڭ ورىنباسارى اندرەي لۋكين جاڭادان ەنگىزىلگەن «جول ەرەجەلەرىنە» قاتىستى پوليتسەيلەردەن ەرەجە بۇزعانداردى بىردەن جازالاماۋدى سۇرادى.
«مەن ءى ءى د باسشىلىعىنا قولقا سالايىن دەپ وتىرمىن. بىزدە ەنگىزىلگەن جاڭا ەرەجەلەردى بارلىق جۇرتتىڭ ءبىلىپ ۇلگەرمەيتىنى انىق. سوندىقتان تۇسىنىستىك تانىتىپ، ولاردى قاتاڭ جازالاماي، تۇسىندىرمە جۇمىستارىمەن عانا شەكتەلسەڭىزدەر»، - دەدى ول ەلوردا اكىمدىگىندە وتكەن جاڭا ەرەجەلەردى تۇسىندىرۋگە ارنالعان سەميناردا.
ايتا كەتەيىك، 2015 - جىلدىڭ 1 - قاڭتارىنان اكىمشىلىك قۇقىق بۇزۋشىلىق تۋرالى كودەكستىڭ جاڭا رەداكتسياسى كۇشىنە ەندى. ونىڭ ىشىندە «جول ەرەجەلەرى» باپتارى بويىنشا جول-كولىك ەرەجەلەرىن بۇزۋ فاكتىلەرىنە قاتىستى جاۋاپكەرشىلىكتەر قاتاڭداتىلدى.
اۆتور: جاسۇلان جولدىبايەۆ
