يراننىڭ مۇناي تانكەرىنە تەڭىز قاراقشىلارى شابۋىل جاسادى

استانا. قازاقپارات - يراننىڭ اسكەري كەمەلەرى پيراتتاردىڭ ادەن شىعاناعىنىڭ ماڭىنداعى مۇناي تانكەرىنە جاساعان كەزەكتى شابۋىلىنا تويتارىس بەردى.

بۇل تۋرالى دۇيسەنبىدە İRİB اقپاراتتىق اگەنتتىگىنەن حابارلادى.

جىلدام جۇرەتىن كىشكەنە كەمەلەرگە مىنگەن تەڭىز قاراقشىلارى يران تانكەرلەرىنە يەمەننىڭ ءال- مۋكاللا كەمەجايىنىڭ ماڭىندا جاقىنداعان، الايدا اسكەري- تەڭىز فلوتىنىڭ 32- فلوتيلياسى اسكەري كەمەلەرىنىڭ بوراتىلعان اتىسىنان شەگىنۋگە ءماجبۇر بولدى.

يراننىڭ اسكەري تەڭىز كۇشتەرى 29 - جەلتوقساندا پيراتتاردىڭ 8 قايىعىنا باب- ەل- ماندەب بۇعازىنداعى مۇناي تاكەرىنە جاساعان شابۋىلى كەزىندە تويتارىس بەرگەن.

يران اسكەري- تەڭىز فلوتىنىڭ كومانديرى، كونتر- ادميرال حابيبوللا ساياري وتكەن جىلدىڭ قاراشا ايىندا ەلدىڭ اسكەري- تەڭىز كۇشتەرىنىڭ يراندىق ساۋدا كەمەلەرى مەن مۇناي تانكەرلەرىنە پيراتتار جاساعان 150دەن استام شابۋىلدىڭ بەتىن قايتارىپ، سوڭعى بىرنەشە جىلدىڭ ىشىندە شامامەن 2000 كوممەرتسيالىق كەمەلەردى قورعاعانىن ايتتى.