11:53, 06 - قاڭتار 2015 | GMT +5
جاڭا جىلدى قارسى الۋدىڭ ەرەكشە ۇلگىسىن قىتاي قازاقتارى كورسەتتى - فوتو
استانا. قازاقپارات - قوڭىراۋلاپ جەتكەن قوي جىلىنىڭ باسى شەتتەگى قانداستار ءۇشىن ءساتتى باستالدى. 2015-جىلعى 1- قاڭتار قىتاي مەملەكەتتىك سپورت جانە دەنەشىنىقتىرۋ اگەنتتىگى التاي ولكەسىنە قاراستى كوكتوعاي اۋدانىندا جالپى حالىقتىق «قار-مۇز ساياحاتى مەرەكەسىن» ۇيىمداستىردى.
قارا وتكەل كولى مەن كوكتال جازىعىندا ءداستۇرلى ساياتشىلار مەرەكەسى، ات شانا جارىسى جانە التىن نەكەنى تويلاۋ، جاس جۇبايلاردىڭ توي سالتى، قار شاڭعىسىمەن سىرعاناۋ سىندى مەرەكەلىك شارالار ءوتتى. جاڭا جىلدىق تويدىڭ سوڭى شىڭجاڭ «سۋىق ۇيەك قار ۇستىندە ونەر كورسەتۋ اۆتوسايىسىنا» جالعاسىپ، ەگىنشى-مالشىلاردى ويىن قىزىعىنا باتىردى. تابيعات اياسىندا وتكەن شارادا اسىرەسە، ۇلتىمىزدىڭ بەكزادا ونەرى - قۇسبەگىلىك پەن ات باپتاۋ ونەرى، ۇلتتىق ات ابزەلدەرىنىڭ كورمەسى، ۇلتتىق كيىم ۇلگىلەرى كورسەتىلدى.
تومەندە قوي جىلىنىڭ العاشقى كۇنىندەگى التاي قازاقتارىنىڭ مەرەكەلىك دۋمانىنان كورىنىستەر:
«الاش ايناسى»
