برازيليا پرەزيدەنتىن ۇلىقتاۋ شاراسى ءوتتى - فوتو

استانا. قازاقپارات - قازاقستان رەسپۋبليكاسىنىڭ برازيليا فەدەراتيۆتىك رەسپۋبليكاسىنداعى ەلشىسى باقىتجان وردابايەۆ قازاقستان رەسپۋبليكاسى ۇكىمەتى اتىنان، قايتا سايلانعان برازيليا فەدەراتيۆتىك رەسپۋبليكاسىنىڭ پرەزيدەنتى ديلما ۆانا رۋسسەففتىڭ ۇلىقتاۋ راسىمىنە قاتىستى. بۇل تۋرالى ق ر س ءى م باسپا ءسوز قىزمەتى حابارلادى.

ۇلىقتاۋ كەزىندە قازاقستاندىق ديپلومات برازيليا ۆيتسە-پرەزيدەنتى م. تەمەرمەن كەزدەسىپ، ونىڭ بارىسىندا ەلباسى ن. ءا. نازاربايەۆتىڭ برازيليا پرەزيدەنتى د. رۋسسەففكە جولداعان قۇتتىقتاۋ حاتىن تابىس ەتتى. سونداي-اق، اتالعان كەزدەسۋدە تاراپتار قازاقستان جانە برازيليا اراسىنداعى مەملەكەتارالىق كۇن تارتىبىندەگى ماسەلەلەر بويىنشا پىكىر الماستى.

م. تەمەر ءوز كەزەگىندە، قازاقستان رەسپۋبليكاسىنىڭ پرەزيدەنتى ن. ءا. نازاربايەۆتىڭ قۇتتىقتاۋ حاتىنا العىسىن بىلدىرە وتىرىپ، ەلباسىنا زور دەنساۋلىق جانە جاقسىلىقتار، ال قازاقستان حالقىنا ودان ءارى وركەندەۋىنە، گۇلدەنە بەرۋىنە ءوز تىلەكتەستىگىن ءبىلدىردى.

سونىمەن قاتار، ەلشى ب. وردابايەۆ يناۋگۋراتسيا شەڭبەرىندە جاڭادان تاعايىندالعان برازيليا فەدەراتيۆتىك رەسپۋبليكاسى سىرتقى بايلانىستار ءمينيسترى ماۋرو ۆيەيرامەن جانە بۇرىنعى سىرتقى بايلانىستار ءمينيسترى ل. فيگەيرەدۋمەن كەزدەسۋلەر وتكىزدى.

تاراپتار، قازاقستان جانە برازيليا اراسىنداعى ەكىجاقتى ىنتىماقتاستىق ماسەلەلەرىن تالقىلادى. ونىڭ بارىسىندا، قازاقستاننىڭ سىرتقى ساياساتىڭ باسىمدى باعىتتارى، سونىڭ ىشىندە 2017-2018-جىلدارى ب ۇ ۇ ق ك- ءنىڭ تۇراقتى ەمەس مۇشەسى بولۋىنا قازاقستان كانديداتۋراسىنا برازيليا تاراپىنان قولداۋ ماسەلەسى كوتەرىلدى.

نۇرسەرىك جولبارىس

baq.kz