اتاقتى فۋتبولشى ايەلدەردەن جاسىرىنىپ جۇرۋگە ءماجبۇر

استانا. قازاقپارات - اعىلشىندىق «مانچەستەر سيتي» كلۋبىنىڭ ويىنشىسى، اتاقتى اياق دوپ شەبەرى يايا تۋرە ءوزىنىڭ نازىكجاندى جانكۇيەرلەرىنەن جاسىرىنىپ جۇرۋگە ءماجبۇر ەكەنىن جەتكىزدى.

شاريعات تالاپتارىنان بۇزباۋعا تىرىساتىن ول كورگەن جەردە باس سالىپ قۇشاقتاعىسى كەلەتىندەردىڭ كەسىرىنەن تەلەفون ءنومىرىن دە سان مارتە اۋىستىرىپ ۇلگەرگەن.

«مەن مەيلىنشە جاسىرىنىپ جۇرەمىن. ءتىپتى، ولاردان قۇتىلۋ ءۇشىن ءنومىرىمدى دە قانشاما رەت اۋىستىردىم»، - دەيدى جۇلدىزدىڭ ءوزى بۇل جايىندا كوت- د'يۆۋارلىق جۋرنالداردىڭ بىرىنە بەرگەن سۇحباتىندا.

«قىزداردىڭ نە ويلايتىنىن، قانداي كۇيگە تۇسەتىنىن بىلمەيمىن، ءبىراق ءوزىم كىرەرگە تەسىك تاپپاي قالاتىن كەزدەرىم كوپ بولادى».

«بىردە جانكۇيەرلەرىمنىڭ ءبىرى كورە سالىپ، ەلدىڭ كوزىنشە جەر-كوككە سىيعىزباي ماقتاي جونەلدى. ۇياتتان ورتەنە جازدادىم. سودان سوڭ ول مەنىڭ تەلەفون ءنومىرىن بەرۋىمدى تالاپ ەتە باستادى، ەرىكسىز وعان ويدان قۇراستىرىلعان ءنومىر بەرۋىمە تۋرا كەلدى. مەن وندايلاردان اۋلاق جۇرۋگە تىرىسامىن. مەن ۇيلەنگەنمىن».

 

muslim.kz