قازاقستاندا جۇرگىزۋشىلەرگە كۇندىز- ءتۇنى شامدارىن جاعىپ ءجۇرۋ بەكىتىلدى
«جولدا ءجۇرۋ زاڭناماسىنىڭ جوباسىن دايارلاۋ كەزىندە ءبىز دۇنيە جۇزىندە بولىپ جاتقان جول قاۋىپسىزدىگىن قامتاماسىز ەتۋ ماسەلەلەرىن ارنايى زەرتتەدىك. قازاقستان بۇگىندە جول قوزعالىسىندا قاۋىپسىزدىكتى قامتاماسىز ەتۋ اياسىندا حالىقارالىق كونۆەنتسيانى راتيفيكاتسيالاپ وتىر. وسىعان بايلانىستى زەرتتەۋلەر بويىنشا كولىكپەن ءجۇرۋ كەزىندە كۇندىز دە جانە تۇندە دە شامدارىن جاعىپ جۇرگەن ەلدەردە جول اپاتتارى 20 پايىزعا دەيىن تومەندەگەنىن ەسكەردىك. سول سەبەپتەن ءبىز وسى نورمانى قولدانىسقا ەنگىزۋدى ءجون كوردىك» ، - دەدى ق. سۇلتانبايەۆ.
بۇل تۇرعىدا ول اتالمىش نورما ازاماتتاردىڭ قاۋىپسىزدىگىن قامتاماسىز ەتۋگە سەپتىگىن تيگىزەتىندىگىن، ج ك و- لار سانى ازاياتىندىعىن اتاپ ءوتتى.
شامدارىن جاقپاي جۇرگەن جۇرگىزۋشىلەرگە 5 ايلىق ەسەپتىك كورسەتكىش كولەمىندە ايىپپۇل سالىنادى.
ەستەرىڭىزگە سالا كەتەيىك، جاڭا جول ءجۇرۋ قاعيداسىندا سايكەس، جولداعى (قالادا، ەلدى مەكەندەردە، جول ۇستىندە) كولىكتەردىڭ بارلىعى كۇندىز- ءتۇنى شامدارىن جاعىپ ءجۇرۋى ءتيىس.
اۆتور: رۋسلان عابباسوۆ
