مىڭداعان پوليتسەي قالا مەرىنە تەرىس قاراپ، نارازىلىق تانىتتى
ولار وتكەن جىلدىڭ جەلتوقسانىندا كەك الۋدىڭ قۇربانى بولعان ارىپتەستەرى ۆەنيان ليۋدىڭ جەرلەۋ راسىمىنە جينالعان بولاتىن. مىڭداعان ءتارتىپ ساقشىسى قالا مەرىنە تەرىس قاراپ تۇرعان. وسىنىڭ الدىندا پوليتسيا باسشىسى مۇنداي ارەكەتكە بارماۋدى وتىنگەن ەدى.
ونىڭ ايتۋىنشا، جەرلەۋ شاراسى ارىز ايتاتىن ەمەس، قايعى بولىسەتىن ءسات. ءبىراق كوپشىلىك ونىڭ بۇل ەسكەرتۋىنە قۇلاق اسا قويعان جوق.
ەسكە سالا كەتەيىك، ۆەنيان ليۋ مەن ونىڭ سەرىگى رافاەل راموستى بىلتىر 20 - جەلتوقساندا كەزەكشىلىك كەزىندە برۋكليندە اتىپ ولتىرگەن بولاتىن. ولارعا شابۋىل جاساعان قارا ءناسىلدى ەر ادام وقيعا ورنىنان قاشىپ كەتىپ، كەيىن وزىنە-ءوزى قول جۇمسادى.
وسىدان كەيىن نيۋ-يورك پوليتسەيلەرى مەردى ءتارتىپ ساقشىلارىنىڭ الىمجەتتىك ارەكەتتەرىنە قارسى ەرەۋىلگە شىققانداردى قاتاڭ جازالامايدى جانە ولارعا سۇيىسپەنشىلىكپەن قارايدى دەپ ايىپتادى. مۇنداي نارازىلىق شارالارى وتكەن جىلدىڭ قاراشاسىنان باستالعان.
www.24.kz
