الماتىدا «اشىربەك سىعاي - سىن ساردارى» دەرەكتى فيلمىنىڭ تۇساۋكەسەرى وتەدى
دەپ حابارلادى تەاتردىڭ باسپا ءسوز قىزمەتىنەن.
فيلمدە: ءاسانالى ءاشىموۆ، ءسابيت ورازباي، ەسمۇقان وبايەۆ، دۋلات يسابەكوۆ، قۇلبەك ەرگوبەك، عاني رىسبەكوۆ، جارىلقاسىم ازىرەتبەرگەن ۇلى سونىمەن قاتار، ماسكەۋ قالاسىنان: سەرگەي ياشين، ولەگ پيۆوۆاروۆ پەن ورىنبوردان ريفحات يسرافيلوۆ، ۋفادان: گالينا ۆەربيتسكايا، شاۋرا گيلمانوۆا قاتىسىپ، ەستەلىكتەر ايتادى.
فيلمنىڭ ستسەناريىن قاليلا ۋماروۆ جازسا، قويۋشى رەجيسسەرى - ابدراحمان ۋماروۆ.
انىقتاما:
اشىربەك سىعاي 1947 - جىلى 11 - قاڭتاردا كەنتاۋ قالاسىندا دۇنيەگە كەلگەن. بوزبالا كەزىندە «اچلوليمەتالل» كومبيناتى جانىنداعى كەنتاۋ مەحانيكالىق جوندەۋ سەحىندا ەكى جىل سلەسار بولىپ جۇمىس ىستەگەن.1965 - جىلى قۇرمانعازى اتىنداعى كونسەرۆاتورياعا ءتۇسىپ، ونى 1969 - جىلى ءتامامداعان سوڭ، ۇستازدىق قىزمەتكە قالدىرىلعان. ونىڭ تەاتر سىنشىسى رەتىندە قالىپتاسۋى 1970 - جىلداردان باستالادى. ول 1974-94 - جىلدارى مادەنيەت مينيسترلىگى تەاتر ءبولىمىنىڭ، ونەر باسقارماسىنىڭ باسشىسى، ءمينيستردىڭ ورىنباسارى، ت. جۇرگەنوۆ اتىنداعى تەاتر جانە كينو ينستيتۋتىنىڭ رەكتورى، ءمينيستردىڭ ءبىرىنشى ورىنباسارى بولىپ قىزمەت اتقاردى.
ءا. سىعاي - «ىڭكار شاق»، «سىر ساندىق»، «ساحناعا ساپار»، «جارناما الدىنداعى وي»، «ساحنا ساڭلاقتارى» دەگەن كىتاپتاردىڭ اۆتورى. جان مولەردىن «ەرىكسىز ۇيلەنۋ» ، ك. گولدونيدىڭ «كۇلكىلى وقيعا»، و. يوسەليانيدىڭ «اربانىڭ ىزىمەن»، ش. روكۆيدىڭ «مازاسىز وجەي»، ۆ. ەجوۆتىڭ «بۇلبۇلدار ءتۇنى»، ا. شايكيەۆيچتىڭ «الەم الاقانىمىزدا» جانە تاعى باسقا تانىمال دراماتۋرگتاردىڭ پەسالارىن اۋدارعان. ولار رەسپۋبليكا تەاترلارىندا قويىلدى.
1989 - جىلى قازاقستان رەسپۋبليكاسنىڭ ەڭبەك سىڭىرگەن قايراتكەرى اتاعى بەرىلدى. تەاتر زەرتتەۋشىسى، قوعام قايراتكەرى ءا. سىعاي 2001 - جىلى ق ر مەملەكەتتىك سىيلىعىنىڭ لاۋرەاتى اتاندى.
سونىمەن قاتار، تاۋەلسىز «پلاتينا تارلان» سىيلىعىنىڭ (2005) لاۋرەاتى.
اشىربەك سىعاي 2014 - جىلى 28 - قاراشا كۇنى 68 جاسقا قاراعان شاعىندا دۇنيەدەن وزدى.
