تايۋاننىڭ بۇرىنعى پرەزيدەنتى قاماۋدان بوساتىلدى

استانا. قازاقپارات - سىبايلاس جەمقورلىق قىلمىسقا قاتىستى تۇتقىندالعان تايۋاننىڭ بۇرىنعى پرەزيدەنتى دەنساۋلىق جاعدايىنا بايلانىستى قاماۋدان بوساتىلدى.

 ساياساتكەر نەيرودەگەنەراتيۆتىك دەرتكە شالدىققاندىقتان ەم- دوم الۋ ءۇشىن ءبىر ايعا بوساتىلعان، دەپ حابارلايدى اسسوشيەيتەد پرەسس.

 باسقا دەرەكتەرگە سۇيەنسەك، جازاسىن وتەۋشىنىڭ دەنساۋلىق جاعدايىن اي سايىن تەكسەرىپ تۇرۋ قاجەتتىلىگىنە بايلانىستى قاماق مەرزىمى شارتتى مەرزىمگە اۋىستىرىلعان. تۇرمەدە 64 جاستاعى چەن شۋيبياننىڭ جۇرەگى سىر بەرگەن، ۇيقىسى بۇزىلىپ، تورىعۋعا ۇشىراعان، ءتىپتى ءوز- وزىنە قول جۇمساۋعا ارەكەت جاساعان.

چەن ەل باسقارعان 2000-2008 - جىلدار ارالىعىندا سىبايلاس جەمقورلىق جاسادى دەگەن ايىپپەن 2009 - جىلى جۇبايىمەن بىرگە سوتتالعان.

باستاپقىدا جازا مەرزىمى 18,5 جىل بولعان، كەيىننەن 20 جىلعا ۇلعايتىلدى. تاياۋ كۇندەرى سوت پارا العانى ءۇشىن بۇل مەرزىمگە تاعى ءبىر جارىم جىل قوستى.