قازاق ونەرىنىڭ ساڭلاقتارى: بۋراتاي كۇيشى
1937-38 - جىلدارى تاپ جاۋى اتانىپ، قۋعىنعا ۇشىراپ، قىرعىزستانعا جەر اۋدارىلعان ەكەن. 1945-46 - جىلدارى مارقاكول اۋدانى شەكارا زوناسى بولعاندىقتان ايەلىمەن بىرگە قالعۇتتىعا مەكەندەيدى. سوعىستان كەيىنگى جىلدارى شەرداياقتا شاحتادا جۇمىس ىستەيدى. كەيىننەن كولحوزشى بولادى. كوزى كورگەندەردىڭ ايتۋىنا قاراعاندا بۋراتاي الىپ دەنەلى ادام بولعان. ءوزى بالۋان بولعان ەكەن. دومبىرادا كونە حالىق كۇيلەرىن ورىنداعان دەسەدى. 1962 - جىلى ءسابيت مۇقانوۆ بۇل وڭىرگە كەلىپ، بۋراتاي كۇيشىمەن كەزدەسكەن ەكەن، سوندا ول ەلۋ- شاقتى كۇيلەردى تاسپاعا جازىپ العان كورىنەدى. ونىڭ بەسەۋى بۋراتايدىڭ ءوزى شىعارعان كۇيلەرى دەپ ايتىلادى. 70- جىلدارى ءىليا جاقانوۆ كەلىپ، ونىڭ ءبىر كۇيىن قازاق راديوسىنىڭ التىن قورىنا جازعان دەسەدى. مىنە، ءبىزدىڭ قولىمىزعا جەتكەن دەرەكتەردىڭ بارى وسى. وكىنىشكە وراي بۇل كىسىنىڭ تاسپادا جازىلعان كۇيلەرى بىزگە بەلگىسىز.
