ۋكراينادا رەسەي ءانشىسى ىزدەستىرىلىپ جاتىر

استانا. قازاقپارات - ۋكراينانىڭ قاۋىپسىزدىك قىزمەتى رەسەيدىڭ روك - ءانشىسى يۋليا چيچەريناعا بۇكىل ۋكراينالىق ىزدەۋ جاريالادى، بۇعان مۋزىكانتتىڭ لۋگانسكىدە ونەر كورسەتۋى سەبەپ بولدى، - دەپ حابارلايدى ر ي ا نوۆوستي ۋ ق ك باس تەرگەۋ باسقارماسىنىڭ باستىعى ۆاسيلي ۆوۆككە سىلتەمە جاساپ.

ونىڭ ايتۋىنشا، ۋكراينانىڭ شىعىسىنداعى كيەۆ باقىلامايتىن اۋماققا كەلگەن اكتەرلەر مەن مۋزىكانتتاردىڭ بارىنە ىزدەۋ جاريالانادى، سونىڭ ىشىندە، يۋليا چيچەرينا دا بار.

يۋليا چيچەرينا 2- قاڭتار كۇنى لۋگانسكىدە «نوچنىە ۆولكي» بايك-كلۋبى ۇيىمداستىرعان قايىرىمدىلىق اكسياسى شەڭبەرىندە تەگىن كونسەرت بەرگەن.

ەسكە سالا كەتەيىك، مۇنىڭ الدىندا ۋكراينا بيلىگىنىڭ رەسەي اكتەرى الەكسەي ءپانيننىڭ ۇستىنەن «ۋكراينانىڭ دەربەستىگى مەن اۋماقتىق تۇتاستىعىنا قول سۇققانى ءۇشىن» قىلمىستىق ءىس قوزعاعانى حابارلانعان ەدى. بۇعان ءپانيننىڭ 2014-جىلدىڭ تامىزىندا ودەسسانى باسىپ الۋ نيەتى تۋرالى ايتقانى سەبەپ بولدى. جۋىردا ۋكراينا ۇلتشىلدارى اكتەردى ودەسسا مەيرامحانالارىنىڭ بىرىندە ۇستاپ الىپ، ۋكرايندەر مەن قىرىم تاتارلارىنا ءتىل تيگىزگەنى ءۇشىن كەشىرىم سۇراتقان.

tengrinews.kz