مۇسىلمان عالىمدارى تەرىنى جاسارتاتىن كرەم ويلاپ تاپتى

استانا. قازاقپارات - ءۇندى ەلىندەگى اليگارح ۋنيۆەرسيتەتىنىڭ زەرتتەۋشى عالىمدارى قارتايۋعا قارسى كرەم ويلاپ تاپتى. نانوتەحنولوگيا نەگىزىندە جاسالعان كرەمنىڭ اسەر ەتۋى دە ەرەكشە دەيدى ولار. قازىرگى ۋاقىتتا ۋنيۆەرسيتەت اتالمىش ءونىمدى پاتەنتتەپ، ونىڭ جاسالۋ جولى مەن قۇرامىن بازار نارىعىنا شىعارۋدى جوسپارلاپ وتىر.

كرەمدى ويلاپ تاپقان قولدانبالى فيزيكا كافەدراسىنىڭ وقىتۋشىلارى دوكتور اليم ناكۆي، بريدج رادج جانە ۆاسير حان ەسىمدى عالىمدار وزدەرى اشقان جاڭالىقتىڭ كارىلىككە قارسى كوسمەتيكا الەمىن ءدۇر سىلكىنتەرىنە سەنىمدى.

«ءبىزدىڭ ءونىم تولىقتاي تابيعي قوسپالاردان ازىرلەنگەن. سونداي-اق، دايىندالۋى دا وزگە ونىمدەرگە قاراعاندا، ەكى ەسە ارزانعا تۇسەدى. وسىعان سايكەس، بازارداعى باعاسى دا تومەن بولادى»، - دەيدى اليم ناكۆي.

وسىدان ءبىر جىل بۇرىن كافەدرا عالىمدارى جەمىس-جيدەكتەر مەن كوكەنىستەردى ۇزاق ساقتاۋدىڭ ءتيىمدى ءتاسىلىن ويلاپ تاپقان بولاتىن. ولار ويلاپ تاپقان تەحنولوگيا نەگىزىندە كوكونىستەر مەن جەمىستەردى بولمە تەمپەراتۋراسىندا 2 ايدان ارتىق مەرزىمدە ساقتاۋعا بولادى.

بۇل تۋرالى muslim.kz جازادى.