جاڭا قىلمىستىق كودەكسىندە لاڭكەستىككە قاتىستى قىلمىستىق جاۋاپكەرشىلىك كۇشەيتىلدى
سونىمەن قاتار قۇجاتتا راديكالدى يدەولوگيالاردى تاراتۋ فاكتىسى ءۇشىن، ونىڭ ىشىندە بۇل ارەكەتتەردى جاڭا تەحنولوگيالاردى پايدالانىپ جۇزەگە اسىرۋ ءىس- قيمىلدارىنا جاۋاپكەرشىلىك قاتاڭداتىلدى.
كودەكستىڭ 257- بابىندا تەرروريستىك توپ قۇرىپ، سول سياقتى وعان باسشىلىق ەتكەندەردىڭ مۇلكى تاركىلەنىپ، سەگىز جىلدان ون بەس جىلعا دەيىنگى مەرزىمگە باس بوستاندىعىنان ايىرۋعا جازالانادى. مۇنىمەن قوسا، تەرروريستىك توپتىڭ ارەكەتىنە نەمەسە ول جاساپ جاتقان تەرروريزم اكتىلەرىنە قاتىسۋ - مۇلكى تاركىلەنىپ، التى جىلدان ون ەكى جىلعا دەيىنگى مەرزىمگە باس بوستاندىعىنان ايىرۋعا جازالانادى.
ايتا كەتەيىك، كودەكستىڭ 273- بابىندا لاڭكەستىك اكتىسى تۋرالى كورىنەۋ جالعان حابارلاعانداردى جازاعا تارتۋ ماسەلەسى قامتىلعان. «دايىندالىپ جاتقان تەرروريزم اكتىسى تۋرالى كورىنەۋ جالعان حابارلاۋ التى جىلعا دەيىنگى مەرزىمگە باس بوستاندىعىنان ايىرۋعا جازالانادى»، - دەلىنگەن كودەكستە.
ەستەرىڭىزگە سالا كەتەيىك، 2015 - جىلدىڭ 1 - قاڭتارىنان قازاقستاندا جاڭا قىلمىستىق كودەكس كۇشىنە ەندى. وندا اۋىر جانە اسا اۋىر قىلمىس جاساعاندارعا قاتىستى سانكسيالاردى قاتاڭداتۋ قاراستىرىلعان. سونىمەن قاتار كودەكستە جەڭىل- جەلپى قۇقىق بۇزۋشىلىقتارعا زاڭنامانى ىزگىلەندىرۋ دە كوزدەلىپ وتىر.
اۆتور: رۋسلان عابباسوۆ
