مالايزيالىق ۇشاقتىڭ قۇلاۋىنا اۋا رايىنىڭ قولايسىزدىعى سەبەپ بولۋى مۇمكىن

استانا. قازاقپارات - مالايزيالىق Air Asia كومپانياسى ۇشاعىنىڭ اپاتقا ۇشىراۋىنا اۋا رايىنىڭ قولايسىزدىعى سەبەپ بولۋى مۇمكىن، دەپ ەسەپتەيدى يندونەزيانىڭ ۇكىمەتتىك مەتەورولوگيالىق اگەنتتىگىندە (BMKG).

«ۇشاقپەن سوڭعى بايلانىس كەزىندە الىنعان مالىمەتتەرگە قاراعاندا، اۋا رايىنىڭ ناشارلاۋى اپاتتىڭ باستالۋ فاكتورى بولعان»، - دەلىندى BMKG سايتىندا جاريالانعان باياندامادا.

اگەنتتىكتە اۋە كەمەسىنىڭ اپاتىنا ونىڭ قوزعالتقىشىنىڭ اقاۋلىعىنا اكەلىپ سوقتىرعان مۇزدانۋ سەبەپ بولا الاتىنى ايتىلادى.

 ايتا كەتەيىك، 28 - جەلتوقساندا AirAsia كومپانياسىنىڭ اۋە كەمەسى ۇشىپ شىققاننان ساتىنەن شامامەن 40 مينۋتتان سوڭ رادارلار نازارىنان جوعالدى، سول كەزدە ونىڭ كاليمانتان (بورنەو) ارالىنىڭ اۋدانىندا ۇشقانى شامالانادى. اۋە كومپانياسىنىڭ مالىمەتتەرىنشە، ۇشاقتىڭ ىشىندە 162 ادام: 155 جولاۋشى (سونىڭ ىشىندە 17 بالا) ، ەكى ۇشقىش، بورتينجەنەر جانە ءتورت جولسەرىك بولعان، دەپ جازادى گازەتا. رۋ.