جاس قازاق عالىمىنىڭ جاڭالىعى

استانا. قازاقپارات - جاس قازاق عالىمى ەرلان دوسانوۆ «ەۋرازيانىڭ ۇزدىك جاس عالىمدارى» اتتى حالىقارالىق بايقاۋدا توپ جارىپ، جەڭىمپاز اتاندى.

اتالمىش بايقاۋدا الەمنىڭ تۇكپىر- تۇكپىرىنەن 100 دەن اسا جاس عالىم باق سىنادى.

بۇل جايىندا «حابار» تەلەارناسى اقپارات تاراتتى. جەرلەسىمىز وسى بايقاۋدا «ادام ەكولوگياسى» اتالىمى بويىنشا جۇلدەلى ورىنعا يە بولدى.

ەرلان دوسجانوۆ -  PhD دوكتورى جانە عىلىمي قىزمەتكەر. جاسى 35 كە تولماسا دا ونىڭ ەسىمى ەلىمىزدىڭ جانە شەتەلدىڭ عىلىمي ورتاسىندا جاقسى تانىمال. قورعاشاعان ورتانى قورعاۋ سالاسىنا ماماندانعان جاس عالىم مۇنايمەن لاستانعان توپىراقتى ميكرواعزالار ارقىلى تازارتۋدىڭ وزگەشە ءتاسىلىن ويلاپ تاپتى.

ونىڭ جاڭالىعىنىڭ ەرەكشەلىگى سوندا: ميكرواعزالاردى قىشقىلداندىراتىن وتتەگى قولدانىلادى. بۇل ءوز كەزەگىندە مۇنايدان لاستانعان توپىراقتى 73-90 پايىزعا دەيىن تازارتادى. تەك تازارتىپ قانا قويماي، توپىراقتىڭ قۇرامىن جاقسارتادى.