كانادا عالىمدارى بالىقتى قۇرلىقتا «جۇرۋگە» ۇيرەتتى
بۇل جايىندا CBC News اقپارات كوزى حابار تاراتتى.
اتالمىش بالىق جەر بەتىن العاشقى بوپ مەكەن ەتكەن ومىرتقالىلار توبىنا جاتادى ءارى جۇزبەقاناتىمەن قۇرلىقتا جىلجي الادى. ەميل ستاندەن بىرنەشە بيشيردى الدىرىپ، ولاردى قۇرلىقتا جاس كەزىنەن «جۇرۋگە» ۇيرەتتى.
الدىمەن ولاردى ازعانتاي سۋ قۇيىلعان رەزەرۆۋارعا ورنالاستىردى. سەگىز ايدان كەيىن عالىمدار ولاردى اكۆاريۋمدە ءوسىپ-جەتىلگەن بالىقتارمەن سالىستىرىپ بايقادى. قۇرلىققا بەيىمدەلگەن بيشيرلەردىڭ ءتوسى مەن جوتاسىنىڭ جوعارى جاعىنىڭ سۇيەگىنىڭ ءپىشىنى وزگەرگەنىن بايقادى.
بۇل ءوز كەزەگىندە بالىقتاردىڭ قۇرلىقتا توزىمدىلىك تانىتۋىنا، ۇلكەن سالماققا توتەپ بەرۋىنە كومەكتەسكەن. ناتيجەسىندە تاجىريبە جاسالعان بيشيرلەر قۇرلىقتا جىلجىعاندا اسا قينالماعان ءارى باستارىن جوعارى ۇستاعان. قازىرگى ۋاقىتتا ەميل ستاندەن ارىپتەستەرىمەن تاجىريبەنى ارى جالعاستىرۋدا.
