14:23, 03 - قاڭتار 2015 | GMT +5
ءازىربايجاندا مەديتسينالىق انىقتاماسىز نەكە قيىلمايتىن بولدى
استانا. قازاقپارات - ءازىربايجاندا نەكەلەسۋشى ازاماتتاردان دەنساۋلىعى تۋرالى انىقتاما تالاپ ەتىلەتىن بولدى، - دەپ حابارلايدى Rusnovosti.ru.
ەلدە جاڭا جىلدان باستاپ وتباسى كودەكسىنە ەنگىزىلگەن تۇزەتۋلەر كۇشىنە يە بولدى. ەندى ۇيلەنبەكشى بولعان جاستار ا ح ا ت ورگاندارىنا وتىنىشپەن بىرگە مەديتسينالىق انىقتاما اكەلۋى ءتيىس.
ەلدەگى مەملەكەتتىك اۋرۋحانالار بولاشاق ەرلى-زايىپتىلاردى تەگىن تەكسەرۋدەن وتكىزەدى.
ا ح ا ت ورگاندارىنا مەديتسينالىق انىقتاما تاپسىرىلعانىمەن، ونداعى ماماندارعا دارىگەرلەردىڭ قورىتىندىسى قۇپيا بولادى.
مۇنداي ەرەجە جىنىستىق قاتىناستان جۇعاتىن اۋرۋلاردىڭ تارالۋىنا جول بەرمەۋ ءۇشىن ەنگىزىلدى. بۇدان بىلاي نەكەلەسۋشىلەردىڭ ءبىرى وزىندەگى سوز اۋرۋلارى تۋرالى مالىمەتتى جاسىراتىن بولسا، ەرلى-زايىپتىنىڭ ءبىرى سوتقا نەكەنى جارامسىز دەن تانۋ جونىندە شاعىم تۇسىرە الادى.
