13:15, 03 - قاڭتار 2015 | GMT +5
قازاقستان ازاماتى قىرعىزستاندا كولىگىمەن وزەنگە قۇلاپ كەتتى
استانا. قازاقپارات - قىرعىزستاننىڭ تالاس وبلىسىندا قازاقستان ازاماتىنىڭ Lexus 330 ماركالى كولىگى وزەنگە قۇلادى.
بۇل تۋرالى قىرعىزستان رەسپۋبليكاسى ت ج م-نىڭ باسپا ءسوز قىزمەتىنەن سەنبى كۇنى حابارلاندى، دەپ جازادى قىرتاگ.
ۆەدومستۆونىڭ اقپاراتىنشا، تالاس وبلىسىنداعى بىشكەك- تالاس- تاراز (وتموك اسۋى) كۇرە جولىنىڭ 52- شاقىرىمىندا Lexus 330 ماركالى كولىك وزەنگە قۇلادى. كولىك قازاقستان رەسپۋبليكاسىنىڭ ازاماتى رۋسلان كاديەۆتىڭ اتىنا تىركەلگەن.
قۇتقارۋ قىزمەتىنىڭ قىزمەتكەرلەرى زارداپ شەككەن ازاماتقا العاشقى مەديتسينالىق كومەكتى كورسەتىپ، ونى تالاس اۋدانىنداعى تالدى بۇلاق اۋىلىنىڭ اۋرۋحاناسىنا جەتكىزدى.
