ەل ەكونوميكاسىنىڭ دامۋى داعدارعان ەمەس

استانا. قازاقپارات - الەمدىك احۋالعا قاراماستان قازاقستان ەكونوميكاسىنىڭ دامۋى داعدارعان ەمەس.

تەك ءبىر جىلدا ۇدەمەلى يندۋستريالىق- يننوۆاتسيالىق دامۋ باعدارلاماسى اياسىندا 150 كاسىپورىن ىسكە قوسىلىپ، 10 مىڭنان استام تۇراقتى جۇمىس ورنى اشىلدى.

بۇعان قوسا، بيىل قازاقستان الەمدەگى ەڭ ءىرى 50 ەكسپورتتاۋشى ەلدىڭ قاتارىنا ەندى. بيىل قازاقستان الەمدەگى ەڭ ءىرى 50 ەكسپورتتاۋشى ەلدىڭ قاتارىنا ەندى. مەملەكەتىمىز 120 ەلمەن ساۋدا-ساتتىق قاتىناستار ورناتقان. شەتەلگە جونەلتىلەتىن وڭدەلگەن ءونىم 20 ميلليارد دوللارعا جۋىقتاسا، دايىن ءونىم ەكى ەسەگە ۇلعايدى.

ال، ەكسپورتتالاتىن تاۋار ءتۇرى 880 نەن 950 گە جەتتى. تەك ءبىر جىلدا يندۋستريالاندىرۋ باعدارلاماسى بويىنشا 150 كاسىپورىن ىسكە قوسىلىپ، 10 مىڭنان استام تۇراقتى جۇمىس ورنى اشىلدى. ال سوڭعى 5 جىلدا باس-اياعى 770 جاڭا جوبانىڭ تۇساۋى كەسىلىپ، 75 مىڭ جۇمىس ورنى پايدا بولدى.

جاھاندىق داعدارىسقا قاراماستان، قازاقستاننىڭ دامۋ دەڭگەيى تەجەلگەن ەمەس.

ساپارباي جۇبايەۆ، ەكونوميكا عىلىمدارىنىڭ كانديداتى:

- الەمدىك ەكونوميكالىق داعدارىستار، كەيبىر شيەلەنىستەر ءبىزدىڭ كەدەندىك وداقتىڭ، ودان كەيىن ە ە ك-تىڭ، ەكونوميكالىق وداقتىڭ ناتيجەلەرىنىڭ جوعارى بولۋىنا كەدەرگى جاسادى.

ءبىراق قازاقستان سوعان قاراماستان، 2014 - جىلى 4,5 پايىزدىق ءى ج ءو ءوسۋى -  بۇل ۇلكەن ناتيجە دەپ ايتساق بولادى. امەريكانىڭ ءوزى ۇلكەن ەكونوميكا بيىل زورعا 2,5-3 پايىزعا وسەيىن دەپ تۇر.

ەكونوميكالىق ءوسىم مەن جۇمىسپەن قامتۋدى قولداۋ ءۇشىن ۇلتتىق قوردان 2014-2015 - جىلدارعا 500 ميلليارد تەڭگەدەن ەكى ترانش بويىنشا 1 تريلليون تەڭگە ءبولۋ تۋرالى شەشىم قابىلدانعان بولاتىن.

ەلباسى بيىلعى جولداۋىندا قارجىنىڭ باسىم بولىگىن شاعىن جانە ورتا بيزنەستى، سونداي-اق ءىرى كاسىپكەرلىكتى قولداۋعا، ينفراقۇرىلىمدى دامىتۋعا باعىتتاۋدى تاپسىردى.

عالىم باينازاروۆ، «نۇر وتان» پارتياسىنىڭ قوعامدىق ساياسات ينستيتۋتى ديرەكتورىنىڭ كەڭەسشىسى:

- ورتا جانە كىشى بيزنەسكە ءبىرتالاي اقشا دا بولىنبەكشى بولىپ تۇر. جولدامادا ەلباسى ايتىپ كەتتى. ەكى رەت، ەكى كەزەڭمەن بەرىلەدى 200 ميللياردتان. قازىر ورتا جانە شاعىن بيزنەس ءبىزدىڭ ىشكى ونىمدە 17 پايىزدان اسپاي تۇر. بۇل ازدىق ەتەدى. وسىعان بايلانىستى بۇرىنعىدان گورى قارقىندى تۇردە جۇمىس ىستەۋگە تۋرا كەلەدى.

اعىمداعى جىلدىڭ 11 ايىندا قازاقستاننىڭ ىشكى جالپى ءونىم ءوسىمى 4,2 پايىز بولدى. كەلەر جىلى اتالعان كورسەتكىش 5 پايىزدى ەڭسەرەدى دەپ جوسپارلانعان. «نۇرلى جول -  جاڭا ەكونوميكالىق ساياساتى» جاڭا بەلەستى باعىندىرۋداعى باستى باعدارعا اينالماق.

www.khabar.kz