اپاتقا ۇشىراعان ۇشاقتىڭ ىشىندەگى بالا امان قالدى

استانا. قازاقپارات - امەريكانىڭ كەنتۋككي شتاتىنىڭ وڭتۇستىك- باتىسىندا Piper PA-34 شاعىن ۇشاعى اپاتقا ۇشىرادى.

بۇل تۋرالى ت ا س س جازادى.

بولعان وقيعانىڭ سالدارىنان ءۇش جولاۋشى مەن ۇشقىش قازا تاپتى. ۇشاقتىڭ ىشىندە بولعان تەك جەتى جاسار قىز بالا عانا امان قالعان. بالا ەڭ جاقىن تۇرعان ۇيگە دەيىن ءوزى جەتكەن، ءۇيدىڭ تۇرعىندارى بولسا كومەككە قۇتقارۋشىلاردى شاقىردى.

قازىرگى ۋاقىتتا اپاتتىڭ سەبەپتەرى انىقتالۋ ۇستىندە. الدىن الا اقپارات بويىنشا، ەكى موتورلى ۇشاقتىڭ قوزعالتقىشىندا اقاۋلار بولعان.