قازاق ونەرىنىڭ ساڭلاقتارى: شامعون قاجىعاليەۆ

استانا. قازاقپارات - شامعون قاجىعاليەۆ - ديريجەر. قازاقستان مەن س س ر و- نىڭ حالىق ءارتيسى، قۇرمانعازى اتىنداعى الماتى مەملەكەتتىك كونسەرۆاتورياسىنىڭ پروفەسسورى.

1927 -جىلى ورال وبلىسىندا تۋعان. الماتى مەملەكەتتىك كونسەرۆاتورياسىنىڭ حالىق اسپاپتار فاكۋلتەتىن، لەنينگراد كونسەرۆاتورياسىنىڭ ديريجەرلىك فاكۋلتەتىن ءبىتىردى.

ش. قاجىعاليەۆتىڭ شىعارماشىلىق قىزمەتى قۇرمانعازى اتىنداعى قازاقتىڭ مەملەكەتتىك حالىق اسپاپتار اكادەميالىق وركەسترىمەن تىعىز بايلانىستى، 1971- جىلى ول وركەستردىڭ كوركەمدىك جەتەكشىسى جانە باس ديريجەرى بولىپ، تاعايىندالادى. قاجىعاليەۆتىڭ ديريجەر جانە ۇيىمداستىرۋشى رەتىندەگى كاسىبي شەبەرلىگى قازاق مادەنيەتىنىڭ التىن قورىنا ەنگەن قۇرمانعازى مەن داۋلەتكەرەيدەن باستاپ، دينا مەن سۇگىرگە دەيىنگى اتاقتى حالىق كومپوزيتورلارىنىڭ كۇيلەرىن، ۇلتتىق مۋزىكالىق كلاسسيكانى تەرەڭ زەرتتەۋ ناتيجەسىندە وركەستر رەپەرتۋارىن جان جاقتى جەتىلدىرۋگە ىقپال ەتتى. 

قاجىعاليەۆتىڭ باسقارۋىمەن وركەستر م. گلينكا، ل. بەتحوۆەن، ۆ. موتسارت، گ. بەرليوز، ۆ. موتسارت، پ. ي. چايكوۆ- سكيي، س. ۆ. راحمانينوۆ، س. س. پروكوفيەۆ، ا. ي. حاچاتۋريان، د. د. شوستاقوۆيچ، ا. ءجۇبانوۆ، م. تولەبايەۆ، ع. جۇبانوۆا، س. مۇحامەدجانوۆ، ت. ب. كومپوزيتورلاردىڭ شىعارمالارىن رىنداپ، الەمنىڭ كوپتەگەن ەلدەرىندە ونەر كورسەتتى. قازاق حالىق اسپاپتارى وركەسترى قاجىعاليەۆ جەتەكشىلىگىمەن قىتايدا، رۋمىنيادا، ۆەنگريادا، فينليانديادا، پولشادا، يتاليادا، پورتۋگاليادا، دانيادا، ت. ب. ەلدەردە ونەر ساپارلارىندا بولدى. قازاقستان مەملەكەتتىك سىيلىق يەگەرى (1982) ، جاستار مەن ستۋدەنتتەردىڭ بۋحارەستە وتكەن دۇنيەجۇزىلىك، فەستيۆالىنىڭ جەڭىمپازى (1953) . ەڭبەك قىزىل تۋ، «قۇرمەت بەلگىسى»، «حالىقتار دوستىعى» وردەندەرىمەن ماراپاتتالعان.