08:09, 05 - قاڭتار 2015 | GMT +5
زارينا دياس بيىلعى العاشقى جارىسىن قىتايدا ءساتتى باستادى
استانا. قازاقپارات - زارينا دياس 2015 - جىلدى قىتايداعى جارىس باسىنداعى جەڭىسىمەن باستادى.
21 جاستاعى قازاقستاندىق سپورتشى 500000 دوللار جۇلدەلىك قورى بار Shenzhen Open جارىسىندا ءتورتىنشى نومىرمەن شىعىپ، ءبىرىنشى اينالىمنىڭ ماتچىن جەڭىپ الدى.
ورتالىق كورتتا الەمدە 33- راكەتكا بولىپ تابىلاتىن قازاقستاندىق تەننيسشى ءبىر ساعاتتان از ۋاقىتتىڭ ىشىندە حورۆاتيانىڭ وكىلى، WTA رەيتينگىسىنىڭ 82- راكەتكاسىن دوننا ۆەكيچتى 6:3, 6:1 ەسەبىمەن ۇتتى.
ەكىنشى اينالىمدا زارينا تيمەا بابوش (ۆەنگريا) - جيان ۆان (قىتاي) اراسىنداعى ويىننىڭ جەڭىمپازىنا قارسى شىعادى.
