جەلدەن قۋات الاتىن «كيىز ءۇي» ويلاپ تاپتى
قوندىرعى ەلەكتر ستانسالارىمەن سالىستىرعاندا قۋاتتى 3 ەسە كوپ ءارى 2 ەسە ارزان باعادا وندىرۋگە مۇمكىندىك بەرەدى. اۆتور جوباسىن ەكسپو-2017 كورمەسىنە ۇسىنۋدى جوسپارلاپ وتىر. جەل، كۇن، سۋدان قۋات الاتىن قوندىرعىنى جاساۋ ءۇشىن ءابدىمۇتالى دۇرمانوۆ 18 -جىلدان استام ۋاقىت زەرتتەۋ جۇرگىزگەن.
تىنىمسىز ەڭبەكتىڭ ناتيجەسىندە وسىنداي كيىز ءۇي پىشىنىندەگى قۇرال جاسالدى. ونىڭ ارتىقشىلىعى جەلدىڭ باعىتىنا قاراماستان كەزكەلگەن جاعدايدا ەنەرگيا وندىرەدى. قوندىرعىنىڭ كولەمى نەعۇرلىم ۇلكەن بولعان سايىن الىناتىن قۋاتتىڭ مولشەرى دە ارتا تۇسپەك.
- جەلدىڭ جىلدامدىعىن، قىسىمىن، اۋانىڭ، جەلدىڭ كۇشىن ۇلعايتىپ بەرەدى. ۇلعايتىپ بەرىلگەن كۇشتىڭ ارقاسىندا ەلەكتر قۋاتى دا كوبەيەدى. كەزكەلگەن جەرگە ورناتۋعا بولادى، دەيدى ونەرتاپقىش ءابدىمۇتالى دۇرمانوۆ.
قوندىرعىعا شىمكەنتتەگى زاۋىتتاردىڭ ءبىرى قىزىعۋشىلىق ءبىلدىرىپ، وندىرىستىك نۇسقاسىن جاساعان. ەندى قۇرالدى قوسالقى بولشەكتەرمەن جابدىقتاۋ قالدى. بۇل رەتتە ونەرتاپقىشقا 1 ملن تەڭگە قاجەت.
ونەرتاپقىشتىڭ ايتۋىنشا، قىزىعۋشى زاۋىت 1 داناسىن جاسادى. ەندى تەك ەلەكتر گەنەراتورى مەن اككۋمۋلياتورمەن جابدىقتاپ، سىناقتان وتكىزۋ عانا قالدى. وندىرىستىك پروتوتيپىن جاساۋ كەرەك. ول ءۇشىن قاراجات قاجەت. ەگەر قولدايتىن ينۆەستورلار تابىلىپ جاتسا، جوبا ءوزىن-ءوزى 1 جىلعا جەتپەي اقتايدى.
سەبەبى قۇرال ەلەكتر ستانسالارىمەن سالىستىرعاندا قۋاتتى 3 ەسە كوپ ءارى 2 ەسە ارزان باعادا وندىرۋگە مۇمكىندىك بەرەدى.
