جولاۋشىلار مۇردەسى تەڭىز تۇبىندە جاتقان ۇشاق كورپۋسىندا قالۋى مۇمكىن

استانا. قازاقپارات - اپاتقا ۇشىراعان AirAsia كومپانياسىنىڭ ۇشاعىن ىزدەستىرۋ ايماعى ياۆان تەڭىزىنىڭ شىعىسىنا قاراي كەڭەيتىلدى. بۇل تۋرالى مالايزيانىڭ اۋە- تەڭىز قورعانىسى قولباسشىسى ابدۋل ازيز دجافار حابارلادى، دەپ جازادى ت ا س س.

ونىڭ ايتۋىنشا، باستى باقىلاۋ جۇمىستارى سۋ استى ىزدەۋ شارالارىنا اۋدارىلعان، ويتكەنى قۇتقارۋشىلار «قارا جاشىك» جاتقان ماڭايدى بولجادى.

 الايدا، اۋا رايىنىڭ تۇراقسىزدىعى ىزدەۋ جۇمىستارىن قيىنداتىپ وتىر.

قۇتقارۋشىلار كەشە اپاتتان قازا بولعان 4 مارقۇمنىڭ مۇردەسىن شىعاردى. مۇنىمەن تابىلعان قۇربانداردىڭ سانى 34 كە جەتتى.

 ساراپشىلاردىڭ ايتۋىنشا، جولاۋشىلار مۇردەسى تەڭىز تۇبىندە، 30 مەتر تەرەڭدىكتە جاتقان ۇشاق كورپۋسىندا قالۋى مۇمكىن.

AirAsia كومپانياسىنىڭ ۇشاعى اۋەگە كوتەرىلگەننەن كەيىن 40 مينۋتتان سوڭ كاليمانتان (بورنەو) ارالى اۋدانىندا راداردان جوعالىپ كەتكەن. ۇشاق بورتىندا 155 جولاۋشى، جەتى ەكيپاج مۇشەسى بولعان.