16:01, 04 - قاڭتار 2015 | GMT +5
اۆستراليادا الىپ جىلان كەنگۋرۋدى جۇتتى - فوتو
استانا. قازاقپارات - اۆستراليانىڭ سولتۇستىگىندەگى نيتميلەك ۇلتتىق پاركىندە پيتون كادىمگى كەنگۋرۋدى جۇتىپ قويدى. وقيعاعا كۋا بولعان پارك قىزمەتكەرى پول ونيل بولعان جايتتى سۋرەتكە ءتۇسىرىپ الىپتى.
ونيل باق اۋماعىن قاراپ جۇرگەن ساتتە قۇستاردىڭ ەرەكشە اشى داۋىسىن ەستىگەن. دىبىس شىققان جاققا قاراي بارعان ساتتە ول كەنگۋرۋدى تۇنشىقتىرىپ جاتقان الىپ پيتوندى كورىپتى.
جىلان جەمتىگىن ءولتىرىپ، كەيىننەن ونى جۇتىپ قويدى. ال، ونيل بولسا بۇل ءساتتى باستان- اياق فوتواپپاراتىنا ءتۇسىرىپ العان.
ايتا كەتەيىك، مۇنداي تاعامدى قورىتۋ ءۇشىن پيتونعا شامامەن ءبىر اپتاداي ۋاقىت كەرەك. كەيىن ول ءبىر ايداي ازىقسىز جۇرە الادى.
Baq.kz
