11:37, 02 - قاڭتار 2015 | GMT +5
برازيليا پرەزيدەنتى مەملەكەت باسشىسى لاۋازىمىنداعى ەكىنشى مەرزىمىنە كىرىستى
استانا. قازاقپارات - بەيسەنبىدە برازيليادا قايتا سايلانعان پرەزيدەنت ديلما روۋسسەففتى ۇلىقتاۋ ءراسىمى ءوتتى. مەملەكەت باسشىسى رەتىندە ەكىنشى مەرزىمىن باستاي وتىرىپ، ول انت قابىلدادى.
ۇلىقتاۋ راسىمىنە 27 مەملەكەت جانە ۇكىمەت باسشىلارى، سونداي-اق ۇكىمەت وكىلدەرى نەمەسە 66 ەلدەن ەلشى قاتىستى.
ۇلىقتاۋ راسىمىندە ءسوز سويلەگەن د. روۋسسەفف ەكونوميكا ءوسىمىن جاڭارتۋعا، سىبايلاس جەمقورلىقپەن ىمىراسىز كۇرەس جۇرگىزۋگە ۋادە بەردى.
سونداي-اق الەۋمەتتىك باعدارلامالارعا زالال كەلتىرمەي، ەكونوميكالىق رەتتەۋ جولدارىن تابۋ قاجەتتىگىن اتاپ ءوتتى.
ول 6 اي ىشىندە سىبايلاس جەمقورلىقپەن شەشىمدى كۇرەستە سوت ورگاندارىنا جاردەمدەسەتىن باعدارلامالار پاكەتىن ازىرلەۋگە ۋادە بەردى.
