10:34, 02 - قاڭتار 2015 | GMT +5
كۋبا ەلى تاريحىندا تۇڭعىش رەت تۋريستەردى قابىلداۋدان رەكوردتىق كورسەتكىشكە قول جەتكىزدى
استانا. قازاقپارات - كۋبا ەلىنىڭ تاريحىندا تۇڭعىش رەت اتالمىش ەلگە وتكەن 2014-جىلدىڭ ىشىندە ءۇش ميلليون شەتەلدىك تۋريست بارعان. بۇل تۋرالى ارالدىق مەملەكەتتىڭ تۋريزم مينيسترلىگى حابارلادى.
«30- جەلتوقسان كۇنى ەلدە ءۇش ميلليون تۋريستىڭ قابىلدانعانى بەلگىلى بولدى. بۇل ءبىزدىڭ ەلىمىز ءۇشىن رەكوردتىق كورسەتكىش، ول وتكەن جىلمەن سالىستىرعاندا 5,3%- عا ارتقان»، دەلىنگەن ۆەدومستۆونىڭ حابارلاماسىندا.
كۋباعا اعىلعان تۋريستەردىڭ نەگىزگى لەگى كانادادان بولعان، 30- جەلتوقسان كۇنى دە ءۇش ميلليونىنشى تۋريست وسى ەلدەن بارعان. سولتۇستىك امەريكالىق مەملەكەتتەن سوڭ تۋريستەردى قابىلداۋ جاعىنان ۇلى بريتانيا، ارگەنتينا، گەرمانيا، فرانسيا مەن يسپانيا كوش باستاپ تۇر، دەپ حابارلايدى شەتەلدىك ب ا ق.
