10:16, 02 - قاڭتار 2015 | GMT +5
كاتار اۋە كومپانياسىنىڭ ۇشاعى ۇلى بريتانياعا شۇعىل قوندى
استانا. قازاقپارات - «كاتار اۆياجەلىلەرى» اۋە كومپانياسىنىڭ ۇشاعى ۇلى بريتانياعا شۇعىل قونۋعا ءماجبۇر بولدى. Reuters اگەنتتىگىنىڭ حابارلاۋىنشا، وعان جولاۋشىلاردىڭ ءبىرىنىڭ وعاش مىنەز- قىلىقتار كورسەتۋى سەبەپ بولعان.
«ەكيپاج مۇشەلەرىنە ۇشۋ كەزىندە ءبىر ەر ادامدى باسقا جولاۋشىلاردان وقشاۋلاۋلارىنا تۋرا كەلگەن، ال ۇشقىش ۇشاق باعىتىن وزگەرتىپ، مانچەستەرگە قونۋعا ءماجبۇر بولعان»، - دەپ حابارلادى پوليتسيا وكىلدەرى.
بۇدان بۇرىن ۇشاقتىڭ قونۋىنا جولاۋشىلاردىڭ ءبىرىنىڭ دەنساۋلىعىنىڭ كۇرت ناشارلاۋى سەبەپ بولعان دەگەن اقپارات تۇسكەن ەدى.
اۋە لاينەرى نيۋ-يوركتەن كاتار ەلىنىڭ استاناسى دوحاعا باعىت العان بولاتىن، دەپ حابارلايدى ت ا س س.
