09:28, 02 - قاڭتار 2015 | GMT +5
تانىمال قازاقستاندىق شوۋمەن جاڭا جىلدا سىيعا العان كامپيتتەن قۇرت شىققان
استانا. قازاقپارات - تانىمال قازاقستاندىق شوۋمەن ءارى كۆن جۇلدىزى نۇرداۋلەت شەرتىمنىڭ جاڭا جىلدا سىيعا العان كامپيتىنىڭ ىشىنەن قۇرت شىقتى. ول بۇل تۋرالى Instagram-داعى پاراقشاسىندا حابارلاپ، الەۋمەتتىك جەلىگە تاپقان «ولجاسىنىڭ» فوتوسىن دا سالدى.
«كامپيتتى ابايلاپ جەڭىزدەر، بۇل جاڭا جىلدا سىيلىق رەتىندە بەرىلگەن تاتتىلەردىڭ اراسىنان شىقتى!!!»، - دەپ جازادى شوۋمەن.
«بىرەۋلەر انتيجارناما دەپ جاتىر. مىناۋ سۋرەتتى باسقا جاعىنان دا تۇسىرگەنمىن، بۇل شىندىق!!!»، - دەيدى تاعى بىر فوتوسۋرەتكە قاتىستى جازعان سوزىندە.
فوتوعا قاراپ، ونىڭ «راحات» ا ق كونديتەرلىك ءونىمى ەكەنىن بايقاۋعا بولادى.
اۆتور: جاسۇلان جولدىبايەۆ
