تەمەكى شەكپەۋ، دۇرىس تاماقتانۋ - وبىر دەرتىنە شالدىقپاۋدىڭ بىردەن-ءبىر جولى
عالىمدار تەمەكى شەگۋ، دۇرىس تاماقتانباۋ، ىشىمدىك ءىشۋ سياقتى جامان ادەتتەر تاۋەكەلدى ارتتىرا تۇسەتىنىن ايتادى، دەپ جازدى Science World Report. زەرتتەۋ دەرەكتەرى بويىنشا ەڭ قاۋىپتىسى - تەمەكى شەگۋ.
شىلىم شەكپەي، دۇرىس تاماقتانسا، اتاپ ايتقاندا كوكونىستەر مەن جەمىس-جيدەكتەردى كوبىرەك تۇتىنسا جانە راتسيوننان وڭدەلگەن ونىمدەردى الىپ تاستاسا، جاعدايدى تۇزەتۋگە بولادى. «كوپتەگەن زەرتتەۋلەر ءومىر ءسۇرۋ سالتى وبىردىڭ دامۋ تاۋەكەلىنە ىقپال ەتەتىنىن كورسەتتى. مەنىڭشە، جاڭا جىل - سالاۋاتتى ءومىر سالتىن جۇرگىزۋدى باستاۋعا تاماشا مۇمكىندىك»، - دەيدى زەرتتەۋشى ماكس پاركين.
عالىمدار سوڭعى 5 جىلدا تەمەكى شەكپەۋ ارقىلى شامامەن 314000, دۇرىس تاماقتانۋ ارقىلى - 145000 وبىر جاعدايىنىنڭ الدىن الۋعا بولۋشى ەدى دەپ مالىمدەدى. ال 88000 وقيعا ارتىق سالماققا بايلانىستى ورىن العان. زەرتتەۋشىلەر ۇكىمەت ارنايى شارا وتكىزىپ، ادامدارعا سالاۋاتتى ءومىر سالتىن قۇرۋعا جاردەمدەسۋى قاجەت دەپ سانايدى. مىسالى، ۇلى بريتانيادا شىلىم قۇمارلاردى 1 پايىزعا ازايتقاننىڭ وزىندە جىلىنا 3000 عا جۋىق ادامدى اجالدان اراشالاپ قالادى.
