رەپرەسسيا جىلدارىندا مۇستافا شوقاي قانداي ارەكەتتەر جاسادى؟

استانا. قازاقپارات - شەتەلدە جۇرگەندىگىنىڭ ارقاسىندا مۇستافا شوقاي رەپرەسسيادان امان قالدى. ءبىراق تۋرا سول مەزەتتە ول قانداي ارەكەتتەرگە باردى؟ ەلدەگى جاعدايدان حاباردار بولدى ما؟

 جازۋشى، الاش تانۋشى بەيبىت قويشىبايەۆتىڭ پىكىرىنە سۇيەنسەك، مۇستافا شوقاي -  سوڭعى دەمى بىتكەنشە حالىق ءۇشىن جۇمىس ىستەگەن ادام.

ءومىرى سىرتتا وتكەنىنە قاراماستان، ول ەلدەگى وقيعالاردىڭ بارلىعىن ءجىتى باقىلاپ وتىردى. ازاتتىق قوزعالىسىنىڭ تەورياسىن جاساعان، سونى تالداي بىلگەن مۇستافا ەۋروپالىق باسىلىمدارمەن قاتار، «ياش تۇركىستان»، «يەني تۇركىستان» جۋرنالدارىنىڭ بەتىندە دە وتانداستارىنىڭ وزەكتى ماسەلەلەرىن ۇزبەي كوتەرۋمەن بولدى.

رەپرەسسيا كەزىندە جازىقسىز جازالانعان ارىستارعا جانى اشىپ، ونى دا جازىپ وتىردى. بۇل رەتتە مۇستافا شوقاي س. قوجانوۆ، ت. رىسقۇلوۆ، س. ءسادۋاقاسوۆ، س. مەڭدەشيەۆتەردىڭ، كەڭەستىك باسپا ءسوز جازعانداي، «قازاقستاندى كەڭەستىك رەسەيدەن ءبولىپ اكەتۋگە تىرىسقان حالىق جاۋلارى» بولماعانىن جازدى. سونداي- اق ەلدەگى ورىن الىپ جاتقان كەمشىلىكتەرگە «ناعىز ۇلت جاۋى - كەڭەس وكىمەتى جاۋاپتى»، ال «ناعىز حالىق جاۋى - ناقاقتان جازالانىپ جاتقاندار ەمەس، كەڭەستىك جۇيەنى ويلاپ تاۋىپ، ونى حالىققا تاڭىپ وتىرعان ادامدار» دەگەن ويىن اشىق تۇردە مالىمدەدى.

Alashainasy.kz