جول ساقشىلارى كولىك دوڭگەلەگىنىڭ ساپاسىن تەكسەرۋگە قۇقىلى
ويتكەنى، كەدەن وداعىنا مۇشە ەلدەر قابىلداعان جاڭا تەحنيكالىق رەگلامەنتكە سايكەس، جاڭا جىلدىڭ قاڭتارىنان ءۇش ەل - قازاقستان، رەسەي جانە بەلارۋس ەلدەرىندە تۇراتىن كولىك يەلەرى كولىكتەرىنىڭ دوڭعالاعىن جىلدىڭ ماۋسىمىنا (قىس، جاز) بايلانىستى دەر كەزىندە اۋىستىرىپ تۇرۋعا مىندەتتى بولدى.
جول- كولىك پاترۋلدىك قىزمەتى ماماندارىنىڭ ايتۋىنشا، كەدەن وداعىنىڭ جاڭا تەحنيكالىق رەگلا¬مەنتى بويىنشا قىس ايلارىندا - جازعى دوڭعالاقتاردى، كەرىسىنشە، جازدىگۇنى «شەگەسى» بار قىسقى دوڭعالاقتاردى پايدالانۋعا ءۇزىلدى- كەسىلدى تىيىم سالىنىپ، زاڭ بۇزعاندار قاتاڭ تۇردە جازالاناتىن بولدى. سونداي- اق، دوڭعالاقتىڭ بۇدىرىنىڭ (پرو¬تەكتورى) قانشالىقتى قالعاندىعىنا بايلانىستى شەكتەۋ قويىلماق.
مىسالى، جازعى دوڭعالاقتىڭ بۇدىرىنىڭ تەرەڭدىگى كەم دەگەندە - 1,6, ال قىسقى دوڭعالاقتىڭ بۇدىرى 4 ميلليمەتر بولۋى ءتيىس. دوڭعالاق بۇدىرىنىڭ تالاپقا ساي كەلەتىن- كەلمەيتىنىن ماي قىزمەتكەرى باستاپقىدا كوزبەن قاراپ، انىق¬تايدى. ەگەر كولىك جۇرگىزۋشىسى جول- پاترۋلدىك قىزمەتى مامانىنىڭ پىكىرىمەن كەلىسپەگەن جاعدايدا، دوڭعالاق بۇدىرىنىڭ تەرەڭدىگىن قاراپايىم ءتاسىل - كادۋىلگى سىز¬عىشپەن ولشەپ، دالەلدەۋگە بولادى. جالپى العاندا، كولىك دوڭعالاعىنىڭ ماۋسىمعا سايكەس كەلمەۋى كولىكتىڭ تەحنيكالىق تالاپقا ساي كەلمەيتىندىگىن كورسەتەدى.
