قاي سەبەپپەن اۆتوكولىكتەر ءجيى ورتەنەدى؟

استانا. قازاقپارات - اۆتوكولىكتەردىڭ ورتەنۋ سەبەپتەرىنىڭ كەڭ تارالعان ءتۇرى - ەلەكتر سىمداردىڭ قىسقا تۇيىقتالۋى جانە جانارمايمەن قامتۋ جۇيەسىنىڭ دۇرىس جۇمىس جاساماۋى.

تەك قاراشا ايىندا استانا قالاسىنىڭ «سارى ارقا» اۋدانى بويىنشا ءتورت اۆتوكولىك ءورتى ورىن الدى.

وسى جولى ستاتيستيكا بويىنشا قايعىلى وقيعالار Renault Logan, Hyundai Santa Fe, Mercedes-Benz Sprinter، Lada Granta, Toyota Avalon اۆتوكولىكتەرىندە ورىن الدى.

بۇل تۋرالى استانا قالاسىنىڭ توتەنشە جاعدايلار دەپارتامەنتى «سارى ارقا» اۋدانىنىڭ ت ج باسقارما باستىعى ءورت ءسوندىرۋ قىزمەتىنىڭ مايورى ە. ا. داۆىدوك مالىمدەيدى.

اۆتوكولىكتەردەگى ءورت قاۋپى ارنايى مامانداردىڭ جوندەۋىنەن وتپەنگەن نەمەسە تيۋنينگتەن، سونداي-اق قولدان جاسالىنعان جاپسىرمالاردى بالقىتۋ (ساقتاندىرعىشتار) جانە جانارماي مەن ەلەكترلى قوسىندىلاردىڭ ساپاسىز جاسالۋىنان بولۋى جوعارعى ورىن الۋدا. ال قىس مەزگىلىندە ىلعال مەن تۇزدىڭ ارەكەتتەسۋى ناتيجەسىندە «ەلەكتر» جۇيەسى ەرەكشە وسال بولادى.

الىسقا بارماي-اق مىسال كەلتىرەيىك. قاراشانىڭ 20 كۇنى شورسا كوشەسىندە Mercedes-Benz Sprinter اۆتوكولىگى ورتەندى، ءورتتىڭ شىعۋ سەبەبى ەلەكتر سىمداردىڭ قىسقا تۇيىقتالۋى بولىپ شىقتى.

وسىعان ۇقساس سەبەپتەرمەن 22 - كۇنى تىلەنديەۆ داڭعىلىنىڭ بويىندا Lada Granta جانە سارى ارقا داڭعىلى مەن كەنەسارى كوشەلەرىنىڭ قيىلىسىندا قاراشا ايىنىڭ 25 - كۇنى Toyota Avalon ەكى اۆتوكولىگى ورتەندى.

قىس مەزگىلىندە اۆتوكولىك ورتەنۋىنىڭ سەبەپتەرىنىڭ كەڭ تارالعان تۇرلەرى:

- قاتىپ قالعان قوزعالتقىشتى جىلتۋ ماقساتىندا وتتى اشىق تۇردە قولدانۋ؛

- تۇرمىستىق ەلەكتروقۇرالداردى تاسىمالداۋ كەزىندە ءورت قاۋىپسىزدىك ەرەجەسىنىڭ بۇزىلۋى؛

- اككۋمۋلياتوردىڭ تۇيىقتالۋى؛

- ەلەكتر سىمدارعا شامادان تىس مولشەردە جۇك ءتۇسىرۋ، ساپاسىز قوسىمشا قۇرىلعىلاردى ورناتۋدا (سيگناليزاتسيا، تۇمانعا قارسى فارلار، ماگنيتولا، سالوننىڭ تيۋنينگى جانە ت. ب).

كەيدە ءورتتىڭ سەبەبى ەلەكتر سىمداردىڭ دۇرىستىعىنان ەمەس، ماشينا بولشەكتەرىنىڭ جوعارعى تەمپەراتۋرادا بولۋىنان بولادى. ويدا جوقتا كۇتپەگەن جەردە (مىسالى، پايدالانىلعان گازدى شىعاراتىن كوللەكتوردىڭ جانىنان) جانارماي جۇيەسىنىڭ رازگەرمەتيزاتسياسى بولۋى مۇمكىن.

سونداي-اق اۆتوكولىكتەردىڭ ورتەنۋىنىڭ مىنانداي دا سەبەپتەرى بار:

- گەنەراتور جوندەلمەگەندە، سونىمەن قوسا ول جانارماي ناسوسىنىڭ جانىندا ورنالاسسا؛

- باقىلاۋ-كرۋيز جۇيەسىندەگى ولقىلىقتار؛

- اينەكتى جۋاتىن فورسۋنكالار؛

- قوزعالتقىشتىڭ جۇمىسىن باقىلايتىن باسقارۋ قۇرىلعىسىنىڭ دۇرىس ەمەستىگى؛

- جانارماي شلانگىلەرى قيىلىپ، جانارماي ىستىق كوللەكتورعا ءتۇسۋى؛

ەگەر ورتتەن قۇتىلۋدىڭ جولى بولماعان جاعدايدا، وندا ءسىزدىڭ ءىس- ارەكەتىڭىز ناقتى جانە تۋرا بولۋ كەرەك، ناقتى ايتقاندا:

1.اۆتوكولىكتى توقتاتىڭىز؛

2. قوزعالتقىشتى ءوشىرىڭىز؛

3. كاپوتتىڭ قۇلپىن بوستىڭىز، ءبىراق اشپاڭىز؛

4. جولاۋشىلاردى ءتۇسىرىڭىز؛

5. «101» قوڭىراۋ سوعىڭىز جانە ءورت سوندىرۋشىلەردى شاقىرىڭىز؛

6. ەگەر بۇل قاۋىپتى بولماسا، كولىكتىڭ ىشىندەگى ءورت سوندىرگىشپەن ءوشىرىڭىز؛

7. ءورت ءسوندىرۋ كەزىندە قوزعالتقىش بولىمىندە سۋدى پايدالانباڭىز.

ايتپاقشى، جوعارىدا اتالعان اۆتوكولىك ءورتى وقيعالارىندا، ءورت ءسوندىرۋ قىزمەتى جەتكەنشە ءورت سوندىرىلگەن، بۇل ءورت سوندىرۋدە دۇرىس ءىس- ارەكەتتىڭ جۇرگىزىلگەنىنىڭ دالەلى.