قازاقستاندا ازىق-تۇلىك باعاسىن نەگىزسىز كوتەرۋگە جول بەرىلمەيدى
بۇل تۋرالى بۇگىن ۇكىمەت ۇيىندە پرەمەر-ءمينيستردىڭ ءبىرىنشى ورىنباسارى باقىتجان ساعىنتايەۆ وتكىزگەن سەلەكتورلىق كەڭەستە ءمالىم بولدى.
ۇلتتىق ەكونوميكا مينيسترلىگى وبلىس اكىمدىكتەرىمەن بىرلەسىپ باعانى ۇنەمى باقىلاپ وتىرادى، ءقازىر وڭىرلەردە ازىق-تۇلىك تاۋارلارىنىڭ باعالارىن قالىپتاستىرۋمەن اينالىساتىن تۇراقتاندىرۋ قورلارى جۇمىس ىستەپ جاتىر.
ەگەر الەۋمەتتىك ماڭىزى بار ازىق- تۇلىك تاۋارلارىنىڭ باعاسىن نەگىزسىز كوتەرگەندەر، نارىق سۋبەكتىلەرىمەن باعاعا قاتىستى كەلىسكەندەر، وتاندىق تاۋار وندىرۋشىلەردىڭ ساۋدا نىساندارىنا شىعۋعا شەكتەۋ قويعاندار انىقتالسا، ولارعا قازىرگى زاڭناما شەڭبەرىندە جازا قولدانىلادى. ايماقتىق كەڭەستە ايتىلعان مالىمدەمەلەر بويىنشا، ءقازىر ازىق- تۇلىك تاۋارلارىنىڭ باعاسىن باقىلاۋ مەحانيزمى قۇرىلىپ، ءساتتى ىسكە استى.
باسپاءسوز قىزمەتىنىڭ مالىمدەۋىنشە، بۇدان بولەك ايماقتىق كەڭەستە جىلىتۋ ماۋسىمى مەن جاڭا جىلدا قوعامدىق ءتارتىپتى ساقتاۋعا قاتىستى ماسەلەلەرر دە تالقىلاندى. ەنەرگەتيكا مينيسترلىگىنىڭ مالىمەتىنشە، رەسپۋبليكا بويىنشا حالىقتى ەلەكتر جانە جىلۋ جۇيەسىمەن قامتاماسىز ەتۋ قالىپتى تارتىپتە جۇمىس ىستەپ تۇر.
ايتا كەتەيىك، سەلەكتورلىق كەڭەسكە مينيسترلىكتەر مەن مەكەمە باسشىلارى، وبلىس اكىمدىكتەرى مەن استانا جانە الماتى قالاسى اكىمدىكتەرىنىڭ باسشىلارى قاتىستى. كەڭەستىڭ سوڭىندا ولارعا باقىتجان ساعىنتايەۆ بىرنەشە تاپسىرما بەردى.
