قازاق تەحنولوگيا جانە بيزنەس ۋنيۆەرسيتەتى مۇمكىندىگى شەكتەۋلى بالالارعا جاڭا جىلدىق سىيلىقتار تاپسىردى - فوتو
بالالار پسيحونيەۆرولوگيالىق مەديتسينالىق - الەۋمەتتىك ورتالىعىنداعى جاڭا جىلدى كوڭىلدى قارسى الۋعا ارنايى ۇيىمداستىرىلعان بالالار مەرەكەسىندە اياز اتا مەن اقشاقار، سونداي- اق ادەمى كيىنگەن كوپتەگەن حالىقتىق ەرتەگىلەردىڭ كەيىپكەرلەرى قاتىسقان ءداستۇرلى جاڭا جىلدىق قويىلىمدار كورسەتىلدى. بالالار شىرشانىڭ الدىندا قول ۇستاسىپ، ءبي بيلەپ ، ولەڭ وقىدى.
جاڭاجىلدىق باعدارلاما بالالاردىڭ كوڭىلىن كوتەرىپ، شاتتىققا بولەدى. مەرەكەلىك ءىس- شارا سوڭىندا بالالار اسىعا كۇتكەن جاڭا جىلدىق سىيلىقتارىندا تاپسىرىپ الدى . قازاق تەحنولوگيا جانە بيزنەس ۋنيۆەرسيتەتى اتىنان بالالارعا وسى جوعارى وقۋ ورنىنىڭ «جەڭىل ونەركاسىپ تەحنولوگياسى جانە ديزاين» كافەدراسىنىڭ ستۋدەنتتەرى ارنايى ءوز قولدارىمەن تىككەن جاڭا جىلدىق مەرەكەلىك بالالار كوستيۋمدارى، اياز اتا مەن اقشاقارعا ارنالعان كيىمدەر جانە ءتاتتى تاعامدار ۇلەستىرىلىپ بەرىلدى. ۋنيۆەرسيتەتتىڭ ونەرلى ستۋدەنتتەرىن باستاپ بارعان تەحنيكا عىلىمدارىنىڭ كانديداتى بوتاگوز نۇرمۇحامبەتوۆا جانە تەحنيكا عىلىمدارىنىڭ كانديداتى، دوتسەنت رايسا دجاكپاروۆا بالالارعا جاڭا جىلدىق قۇتتىقتاۋ سوزدەرىن ارناپ، تىلەكتەرىن ءبىلدىردى.
استانا قالاسىنىڭ بالالار پسيحونيەۆرولوگيالىق مەديتسينالىق - الەۋمەتتىك مەكەمەسىندە 3 جاستان 18 جاسقا دەيىنگى مۇمكىندىگى شەكتەۋلى 210 بالا كۇندىزگى ستاتسيوناردا ءومىر سۇرەدى جانە وعان كەلىپ تۇرادى. بالالارمەن پسيحولوگتار ، الەۋمەتتىك پەداگوگتار، لوگوپەدتەر، دارىگەرلەر مەن تاربيەشىلەر جۇمىس جاسايدى. ولار سۋرەت سالۋدى، ەرمەكسازبەن ءمۇسىن جاساۋدى ۇيرەنىپ ، ءان جانە ءبي ساباقتارىنا بارادى، ۇيدە ەڭبەك ەتۋگە داعدىلانادى. ينتەرناتتىڭ نەگىزگى مىندەتى - مۇمكىندىگى شەكتەۋلى بالالاردى قوعام ومىرىنە قاتىستىرۋ ءۇشىن بارلىق جاعدايلاردى جاساۋ، وسى رەتتە دەمەۋشىلەر مەن قايىرىمدىلىق كورسەتۋشى جانداردىڭ قولداۋ كورسەتۋى ۇلكەن ماڭىزعا يە بولدى .
باقىتجول كاكەش
